હેલ્થ / કાળઝાળ ગરમીમાં કાકડીમાંથી તૈયાર કરો આ 4 એનર્જી ડ્રીંક, જે તમારા સ્વાસ્થ્યને રાખશે હેલ્ધી

• ડિહાઇડ્રેશનમાં નબળાઇ અને થાકની સમસ્યા પણ જોવા મળે 
• આ સમસ્યાનો સામનો કેવી રીતે કરવો તે અંગે લોકો પરેશાન છે
• આ  ડ્રિંક્સ એવા છે જે તમારી બધી સમસ્યાઓ દૂર કરી શકે

ઉનાળાની ઋતુ ચાલી રહી છે અને આ ઋતુ સાથે સમસ્યાઓ પણ આવી રહી છે જેવી કે હીટસ્ટ્રોકના. આ કારણે લોકો પરેશાન છે અને સ્વાસ્થ્યને લગતી ઘણી સમસ્યાઓ પણ થઈ રહી છે જેમાં મોટાભાગની સમસ્યાઓ ડિહાઇડ્રેશનને કારણે થાય છે. આ ડિહાઇડ્રેશનમાં નબળાઇ અને થાકની સમસ્યા પણ જોવા મળી રહી છે. આ સાથે જ ત્વચાની વાત કરીએ તો ડીહાઈડ્રેશન અને પાણીની અછતને કારણે ત્વચા ડ્રાય થઈ જાય છે અને આ સમસ્યાનો સામનો કેવી રીતે કરવો તે અંગે લોકો પરેશાન છે. એવામાં આજે અમે તમને આવા કેટલાક ડ્રિંક્સ વિશે માહિતી આપી રહ્યા છીએ જે તમારી બધી સમસ્યાઓ દૂર કરી શકે છે. 

કાકડીનું ફ્લેવર વોટર 
આ કાળજાળ ઉનાળામાં તમે કાકડીમાંથી બનાવેલું ફ્લેવર્ડ પાણી પણ પી શકો છો અને આનાથી તમારા શરીરને ઠંડક મળી શકે છે. આ માટે પાણીની બોટલમાં બેથી ચાર કાકડીના ટુકડા અને અડધા લીંબુના ટુકડા રાખો. આ બોટલમાં પાણી ભરો. જ્યારે પણ પાણી પીવાનું મન થાય ત્યારે એ પાણી પીઓ. 

કાકડીનું જ્યુસ 
ઉનાળામાં તમે કાકડીનું જ્યુસ બનાવીને પી શકો છો. એ જ્યૂસમાં વિટામિન સી અને એન્ટીઓક્સીડેન્ટ હોય છે જેના કારણે તમને ઉનાળામાં ઘણો ફાયદો થાય છે. કાકડીનો રસ બનાવવા માટે કાકડીના એકથી બે ટુકડા કરો અને છીણી લો. એ બાદ સુતરાઉ કાપડ લો અને તેમાં છીણેલી કાકડી નાખો અને તેનું રસ કાઢો અને તેમાં લીંબુ અને કાળું મીઠું ઉમેરીને પીઓ. 

મધ અને કાકડીનું ડ્રિંક 
ઉનાળામાં મધ અને કાકડીનું પીણું પણ ખૂબ જ ફાયદાકારક છે. આ માટે એક ગ્લાસમાં કાકડીનો રસ કાઢી લો. જ્યુસમાં મધ અને લીંબુનો રસ મિક્સ કરો, ડ્રિંકને ફ્રીજમાં સ્ટોર કરો અને જ્યારે પણ તમે તડકામાંથી પાછા આવો ત્યારે આ ડ્રિંક પી લો. 

કોથમીરનાં પાન અને કાકડીનું જ્યુસ 
કોથમીરનાં પાંદડા અને કાકડીનો રસ પણ તમારા માટે ફાયદાકારક હોઈ શકે છે. આ ડ્રિંક શરીરમાંથી ઝેરી તત્વોને બહાર કાઢવામાં મદદ કરે છે. તેને બનાવવા માટે નાની કાકડી કાપો અને બ્લેન્ડરમાં કાકડી અને કોથમીર નાખીને સારી રીતે પીસી લો. સ્વાદ પ્રમાણે તેમાં રોક મીઠું અને કાળા મરી ઉમેરો. આ ડ્રિંક બનાવ્યા બાદ તેને ફ્રીજમાં સ્ટોર કરો અને ઠંડુ થવા દો. હવે તેમાં લીંબુનો રસ ઉમેરો અને આનંદ લો.