આક્ષેપ / '12 લાખનો હપ્તો ઉઘરાવે છે' સુરેન્દ્રનગર જુગાર સંચાલકે સીધી DGPને કરી પોલીસની ફરિયાદ

• જુગારધામમાંથી પોલીસની કટકીનો ખુલાસો
• દર મહિને 12 લાખ વસૂલાતા હોવાનો આરોપ
• DGPને પત્ર લખી જુગારધામ સંચાલકનો આક્ષેપ

સુરેન્દ્રનગરના સૌકા ગામમાંથી ઝડપાયેલા જુગારધામ મામલે પોલીસની કામગીરી પર સવાલ ઉઠ્યા છે. જુગારધામના સંચાલકે DGPને પત્ર લખી હપ્તાખોરીનો આક્ષેપ કર્યો છે. સ્થાનિક પોલીસ દર મહિને 12 લાખ વસૂલતી હોવાનો જુગારધામના સંચાલકે આરોપ લગાવ્યો છે. અન્ય ખર્ચાની રકમ પણ પોલીસકર્મીઓ ઉઘરાવતા હોવાનો આક્ષેપ થયો છે.

જુગારધામ સંચાલકે તોડ કર્યાનો આક્ષેપ કર્યો
પોલીસે દરોડા દરમિયાન ફાયરિંગ પણ કર્યા હોવાનો જુગારધામના સંચાલકે દાવો કર્યો છે. છેલ્લા 2 વર્ષથી જુગારધામ ધમધમતો હોવાનો પણ આ પત્રથી ખુલાસો થયો છે. મહત્વનું છે કે, સૌકા ગામમાં LCBએ જુગારધામમાં દરોડા પાડીને 38 જુગારીઓને ઝડપ્યા હતા. 38 જુગારીઓ પાસેથી પોલીસે 27 લાખ સાથે કબજે કર્યા હતા. ત્યારે હવે સ્થાનિક પોલીસ પર જુગારધામ સંચાલકે તોડ કર્યાનો આક્ષેપ કર્યો છે.

જુગારધામના સંચાલકના આક્ષેપ
જુગારધામના સંચાલક ઝાલા નવદીપસિંહ આક્ષેપ કર્યા છે કે, પૈસા ન આપતા રેઈડ કરી હતી. તેમણે લખ્યું છે કે, તેમની ગાડીઓ તથા અન્ય તમામ ખર્ચ દર માસના આધારે રૂપિયા એક લાખ જેવી રકમ વસૂલવામાં આવતી હતી. તેમણે સમગ્ર આક્ષેપોને લઈ કહ્યું કે, હરદેવસિંહ જમાદારનું નામ લઈ વાત કરતાનું અમારી પાસે મોબાઈલ રેકોડિંગ પણ પડ્યાં છે. 

જુઓ પત્ર

સળગતા સવાલ
સ્થાનિક પોલીસની રહેમનજર હેઠળ ચાલતુ હતુ જુગારધામ?
2 વર્ષથી સ્થાનિક પોલીસ વસૂલતી હતી રૂપિયા?
તોડ કરતા પોલીસકર્મીઓ સામે કાર્યવાહી થશે?
રૂપિયા લીધા હોવાના કારણે સ્થાનિક પોલીસ ચૂપ હતી?
સ્થાનિક પોલીસે રૂપિયા લઈને જુગાર ચલાવવાની મંજૂરી આપી હતી?
12 લાખ વસૂલતા પોલીસકર્મીઓ સામે કાર્યવાહી થશે?