સાળંગપુર વિવાદ / બોટાદના રોકડીયા હનુમાન મંદિરના મહંતને પોલીસનું તેડું, હથિયારવાળા વીડિયો અને તિલક વાળા નિવેદન પર પૂછપરછ

• બોટાદના રોકડીયા હનુમાન મંદિરના મહંતને પોલીસનું તેડુ
• ક્યાં કારણ સર પૂછપરછ તે કારણ હજુ અકબંધ
• પરમેશ્વર બાપુ સાળંગપુર જવા નીકળે તે પહેલા બોટાદ પોલીસે બોલાવ્યા

 બોટાદનાં રોકડીયા હનુમાન મંદિરનાં મહંતને પોલીસનું તેડું આવ્યું છે. ત્યારે તિલક એલાન મામલે કે હથિયારને લઈ આપેલા નિવેદનને લઈ પૂછપરછ તે  કારણોસર હજુ અકબંધ છે.  ત્યારે લીંબડી ખાતે સંમેલન દરમિયાન હનુમાનજીની મૂર્તિને તિલકને લઈ હથિયાર સાથે એલાન કર્યું હતું. ત્યારે બાજુએ હનુમાનજી માટે ચાંદીનું તિલક બનાવ્યું છે. પરમેશ્વર બાપુએ સાળંગપુર પહોંચી દાદાને તિલક લગાવવાની જાહેરાત કરી હતી. જેને લઈ સાળંગપુર જવા નીકળે તે પહેલા બોટાદ પોલીસે બાપુને પોલીસ સ્ટેશને બોલાવી તેઓની પૂછપરછ હાથ ધરી હતી. 

લીંબડી ખાતે યોજાયેલ ધર્મ સંમેલન પૂર્ણ થયું 
ગુજરાતમાં છેલ્લા કેટલાક દિવસ ચર્ચાઈ રહેલા મુદ્દા પર મોટો નિર્ણય લઈને સાળંગપુર મંદિરના વહીવટી તંત્ર દ્વારા વિવાદિત ભીંતચિત્રો હટાવી લેવામાં આવ્યા છે. પરંતુ સાધુ-સતો હજુ પણ નમતુ ન મૂકીને લડી લેવાના મુડમાં જોવા મળી રહ્યા છે. સુરેન્દ્રનગર જિલ્લાના લીંબડી ખાતે યોજાયેલ ધર્મ સંમેલન પૂર્ણ થયું છે. આજના ધર્મ સંમેલનમાં રાજ્યભરના સાધુ-સંતોની ઉપસ્થિતિમાં વધુ 8 મુદ્દાઓ અંગે ઠરાવ થયા છે. જેમાં સ્વામિનારાયણ સંપ્રદાયને કાયદાકીય લડત આપવા અંગેનો ઠરાવ કરાયો છે. આજના ધર્મ સંમેલનમાં સનાતન ધર્મના સાધુ-સંતોએ કાયદાકીય લડત આપવાની રણનીતિ બનાવી છે. 

વધુ 8 મુદ્દે થયા ઠરાવ
રાજ્યભરના સાધુ-સંતોની ઉપસ્થિતિમાં વધુ 8 મુદ્દા અંગે ઠરાવ થયા છે. સાથે જ સ્વામિનારાયણના સંપ્રદાયના પુસ્તકો નદીમાં પધરાવવાનો નિર્ણય લેવામાં આવ્યો છે. સનાતન ધર્મની આગામી બેઠક હવે જૂનાગઢમાં મળશે. જૂનાગઢમાં મળનારી બેઠકમાં કમિટીનું ગઠન થશે. કમિટીની રચના બાદ હાઈકોર્ટમાં પિટિશન કરાશે, સનાતન ધર્મના સાધુઓ કોર્ટના દ્વાર ખખડાવવા તૈયાર થયા છે. કોર્ટમાં 187 જેટલા પૂરાવા રજૂ કરવામાં આવશે. 
મોટી સંખ્યામાં સાધુ-સંતો રહ્યા હાજર
આજે સુરેન્દ્રનગર જિલ્લાના લીંબડી ખાતે આવેલા મનદીપ પાર્ટી પ્લોટમાં સાધુ-સંતો અને મહંતોનું મહાસંમેલન યોજાયું હતું. આ મહાસંમેલનમાં દિલીપ દાસજી, ઋષિ ભારતી બાપુ, લાલદાસ બાપુ, જ્યોતિર્નાથ બાપુ, ચૈતન્ય શંભુ મહારાજ, પ્રભુદાસજી બાપુ, અવધબિહારી દાસજી, નિશ્ચલદાસજી, ગીતાદીદી, શેરનાથ બાપુ સહિત ગુજરાત અને દેશભરમાંથી મહામંડલેશ્વરો, સાધુ-સંતો હાજર રહ્યા હતા. આજના ધર્મ સંમેલનમાં સ્વામિનારાયણ સંપ્રદાયના સાહિત્યમાં ફેરફાર કરવા મુદ્દે ચર્ચા કરવામાં આવી હતી.