- ગામ ગામમાં લગાશે મોબાઈલ ટાવર
- નેટવર્ક પ્રોબ્લેમ્સથી મળશે છુટકારો
- PM મોદીએ નક્કી કરી ડેડલાઈન
દેશના ગામ ગામ સુધી મોબાઈલ નેટવર્કની સમસ્યાથી છુટકારો અપાવવા માટે પ્રધાનમંત્રી નરેન્દ્ર મોદીએ ખાસ પ્લાન તૈયાર કર્યો છે. PM મોદીએ નેટવર્લડ સાથે જોડાયેલી સમસ્યાઓને દૂર કરવા માટે ડેડલાઈન નક્કી કરી છે.
.jpg)
તેમણે બધા વિભાગોને એ નિર્દેશ આપ્યા છે કે દૂરના ગામડાઓમાં મોબાઈલ ફોન નેટવર્ક કવરેજ મેળવવા માટે યોગ્ય પગલા ભરવામાં આવે. PM મોદીએ કહ્યું છે કે માર્ચ 2024 સુધી ભારતના બધા ગામમાં મોબાઈલ ટાવર હોવા જોઈએ.
મોબાઈલ નેટવર્કની સમસ્યા દૂર કરવા ડેડલાઈન
પ્રધાનમંત્રી નરેન્દ્ર મોદીએ પ્રગતિની બેઠકમાં મોડુ થવા અંગે ચિંતા વ્યક્ત કરતા મોબાઈલ નેટવર્કની સમસ્યા દૂર કરવા માટે ડેડલાઈન નક્કી કરી છે. તેમણે આ વાત પર ભાર આપ્યો છે કે સ્થાનીક લોકોને મુશ્કેલી થઈ શકે છે પરંતુ સંચાર નેટવર્કને વધારવા માટે તે ટાવરોને સ્થાપિત કરવાના પક્ષમાં છે.
PM મોદીએ મોબાઈલ ટાવર અને 4G કવરેજની કરી સમીક્ષા
પ્રગતિની આ બેઠક વખતે પ્રધાનમંત્રીએ યુએસઓએફ પરિયોજનાઓ હેઠળ મોબાઈલ ટાવર અને 4G કવરેજની સમીક્ષા પણ કરી. અધિકારીઓએ જ્યારે કારમમાં મોડુ થવાનું કારણ જણાવતા જમીનની ઉપલબ્ધતા ન હોવા અને દુરના સ્થાન વિશે વાત કરી તો PM મોદીએ ડેમના નિર્માણની તુલના ટાવરો સાથે કરી.
મીડિયા રિપોર્ટ્સ અનુસાર અધિકારીઓએ કાર્ય પુર્ણ કરવા માટે વધારે સમયની માંગ કરી તો PM મોદીએ કહ્યું કે નાણાકીય વર્ષના અંત સુધી કામ પુરૂ થઈ જવું જોઈએ. બેઠકમાં PM મોદીએ ગુજરાતમાં 66 ટાવરોની સ્થાપનામાં થઈ રહેલા મોડાને પણ ચિંતાનો વિષય ગણાવ્યો.
