- દારુ સાથે માત્ર સૂકો નાસ્તો કરવાથી થઈ શકે છે બીમારી
- સ્મોકિંગ અને દારુ પીતાં લોકોને થાય છે પાઈલ્સની સમસ્યા
- પૌષ્ટિક આહાર ન ખાવાને લીધે પડે છે બીમાર
દારુનું સેવન સ્વાસ્થ્ય માટે હાનિકારક હોય છે તેમ છતાં જો તમે દારુનું સેવન કરો છો તો આ લેખ તમારા કામનો સાબિત થઈ શકે છે. કાનપુર મેડિકલનાં ડોક્ટર્સે રિસર્ચમાં ખુલાસા કર્યાં કે જે લોકો માત્ર સૂકા નાસ્તા સાથે દારુનું સેવન કરે છે તેમને મસા એટલે કે પાઈલ્સનો રોગ થવાનાં ચાન્સ થે. GSVM મેડિકલ કોલેજનાં ડો. એસ.કે. ગૌતમે જણાવ્યું કે રિસર્ચમાં સામે આવ્યું છે કે વધુ સ્મોકિંગ અને દારુનું સેવન કરનારાં 50% લોકોમાં પાઈલ્સની બીમારી થઈ રહી છે.
માત્ર સૂકો નાસ્તો ન ખાવો
ડો. એસ.કે. ગૌતમે જણાવ્યું કે સ્મોકિંગ અને દારુનું સેવન કરતાં લોકોને હાઈ પ્રોટીનની આવશ્યકતા હોય છે. લોકો દારુ તો પીવે જ છે પરંતુ તેની સાથે કંઈ પૌષ્ટિક આહાર લેતા નથી. લોકો વેસ્ટર્ન કલ્ચર અપનાવે છે જેના લીધે ખાવા-પીવામાં ધ્યાન નથી આપતાં. આ જ કારણે પાઈલ્સ જેવી બીમારીઓ થવા લાગી છે.
પૌષ્ટિક ગરમ આહાર ખાવો જોઈએ
જે લોકો ધૂમ્રપાન કરે છે તેમણે આહારમાં ફાઈબર અને પ્રોટીનની માત્રા વધારવી જોઈએ. ડોક્ટરે જણાવ્યું કે આજકાલ જે દર્દીઓ opdમાં આવી રહ્યાં છે તે સૌથી વધારે પાઈલ્સથી પીડિત છે અને જે દારુ અને સિગરેટ પીવે છે. આ દર્દીઓમાં લોહીની ઊણપ હોય છે. પરિણામે ઘણી વખત ઓપરેશનની પણ જરૂરિયાત પડતી હોય છે.
વધુ દારુ પીવાથી બોડીમાં પાણી ઓછું થાય છે
દારુનું સેવન કરવાથી શરીરમાં પાણી ઓછું થઈ જાય છે. જે બાદ પેટમાં કબજિયાત થવા લાગે છે. ઘણી વખત દર્દીઓને મળક્રિયા દરમિયાન સમસ્યા થતી હોય છે અને પરિણામે પાઈલ્સ થઈ જાય છે. સિગરેટ પીતા લોકોનાં પાચનતંત્રમાં નુક્સાન પહોંચે છે. પાઈલ્સનાં દર્દીઓ જો સિગરેટ પીવે છે તો તેમને ગુદામાંથી લોહી નીકળવાની સમસ્યા થઈ જાય છે.
