- વિધાનસભા ચૂંટણીની દીવ-દમણમાં અસર
- દીવ-દમણમાં નહીં થઇ શકે દારૂનું વેચાણ
- જાણો કઈ-કઈ તારીખે રહેશે દારૂબંધી
ગુજરાત વિધાનસભાની ચૂંટણી બે તબક્કામાં યોજાવા જઈ રહી છે. પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે થશે. જ્યારે મતગણતરી 8 ડિસેમ્બરના રોજ હાથ ધરવામાં આવશે. ગુજરાત વિધાનસભા ચૂંટણીને લઈને કેન્દ્રશાસિત પ્રદેશ દીવ-દમણમાં દારૂના વેચાણ પર પ્રતિબંધ મુકાયો છે.
દમણ અને દીવમાં લાગુ થવા જઈ રહી છે દારૂબંધી
ગુજરાતમાં શાંતિ પૂર્ણ રીતે મતદાન થઈ શકે અને મતગણતરી થઈ શકે તે હેતુથી દીવ દમણમાં દારૂબંધી કરવામાં આવશે. પ્રથમ તબ્બકાના મતદાન પહેલા એટલે કે 29 તારીખે સાંજે 5 વાગ્યાથી દીવ અને દમણ બંનેમાં દારૂ પર પ્રતિબંધ લાગી જશે. જે 1 ડિસેમ્બર સાંજે 5 વાગ્યા સુધી એટલે કે અંદાજે ત્રણ દિવસ અમલમાં રહેશે.
મતગણતરીના દિવસે પણ દારૂના વેચાણ પર પ્રતિબંધ
ત્યાર બાદ ફરી 3 ડિસેમ્બરે દારૂબંધી લાગુ કરાશે. જે 5 તારીખે સાંજે 5 વાગ્યા સુધી રહેશે. ત્યારબાદ ગુજરાત વિધાનસભાની ચૂંટણીના પરિણામના દિવસે એટલે કે 8મી ડિસેમ્બરે કેન્દ્રશાસિત પ્રદેશ દીવ-દમણમાં દારૂબંધી દિવસભર રહેશે. 8 ડિસેમ્બરે દીવ-દમણમાં દારૂનું વેચાણ શઈ શકશે નહીં. ગુજરાતમાં વિધાનસભાની ચૂંટણી હોવાના કારણે તંત્ર દ્વારા આ નિર્ણય લેવામાં આવ્યો છે.
ઉલ્લેખનીય છે કે દીવમાં દર વખતે ચૂંટણી સમયે દારૂબંધી રાખવામાં આવે છે. જેનું ફરજિયાત પાલન પણ કરાવવામાં આવે છે. ભારતીય ચૂંટણી પંચે 3 નવેમ્બર 2022ના રોજ ચૂંટણીનું સમયપત્રક જાહેર કર્યું હતું, જે અનુસાર 1 અને 5 ડિસેમ્બર એમ બે તબક્કામાં મતદાન થશે અને 8 ડિસેમ્બરના રોજ મત ગણતરી કરવામાં આવશે. પ્રથમ તબક્કામાં વિધાનસભાની 89 અને બીજા તબક્કામાં 93 બેઠકો માટે મતદાન થશે.
|
ચૂંટણી પ્રક્રિયા
|
સ્થિતિ |
| 1 |
2 |
| નામાંકન તારીખ |
5 નવેમ્બર 2022 |
10 નવેમ્બર 2022 |
| નામાંકન માટેની છેલ્લી તારીખ |
14 નવેમ્બર 2022 |
17 નવેમ્બર 2022 |
| નામાંકન ચકાસણી |
15 નવેમ્બર 2022 |
19 નવેમ્બર 2022 |
| નામાંકન પાછું ખેંચવાની છેલ્લી તારીખ |
17 નવેમ્બર 2022 |
21 નવેમ્બર 2022 |
| મતદાન તારીખ |
1 ડિસેમ્બર 2022 |
5 ડિસેમ્બર 2022 |
| મતગણતરી |
8 ડિસેમ્બર 2022 |
