મોટી જાહેરાત / Paytm એ કર્યું એલાન: આ તારીખે બંધ થઈ જશે ફાસ્ટેગ, જાણો ક્યાં સુધી ચાલશે Wallet

RBI દ્વારા Paytm બેંક પર પ્રતિબંધ લગાવવાના નિર્ણય બાદ ઘણા ગ્રાહકોમાં મૂંઝવણ છે. ઘણા લોકો જાણવા માંગે છે કે શું તેઓ ભવિષ્યમાં વોલેટ, ફાસ્ટેગ, યુપીઆઈ સેવાઓનો ઉપયોગ કરી શકશે.

વેબસાઇટ પર મહત્વપૂર્ણ અપડેટ

ગ્રાહકોની મૂંઝવણ દૂર કરવા Paytmએ આખરે મોટી માહિતી આપી. Paytm વેબસાઈટ પર મહત્વપૂર્ણ અપડેટ બહાર પાડવામાં આવ્યું છે. કંપનીએ તેની વેબસાઇટ પર કેટલાક સામાન્ય પ્રશ્નોના જવાબો આપ્યા છે. તો ચાલો જાણીએ તમારા આવા પ્રશ્નોના જવાબ.

શું તમે ફાસ્ટેગનો ઉપયોગ કરી શકશો?

Paytm એ Fastag વિશે કહ્યું, હા તમે Paytm બેંકના FASTag/NCMC કાર્ડનો ઉપયોગ કરી શકો છો. જો કે, તમે તેને 15 માર્ચ પછી રિચાર્જ કરી શકશો નહીં.

શું Wallet કામ કરવાનું ચાલુ રાખશે?

હા, જ્યાં સુધી વોલેટમાં બેલેન્સ હશે ત્યાં સુધી યુઝર્સ તેમના પૈસા અન્ય બેંક એકાઉન્ટમાં ટ્રાન્સફર કરી શકશે. જો કે, તમે 15 માર્ચ પછી વોલેટમાં જમા કરી શકશો નહીં.

 ટિકિટ બુક કરાવી શકશે

Paytm એપ સેવા કોઈપણ સમસ્યા વિના ચાલુ રહેશે. વપરાશકર્તાઓ Paytm નો ઉપયોગ ખૂબ જ સરળતાથી કરી શકે છે. તમે અહીં મૂવી અને અન્ય મુસાફરીની ટિકિટ બુક કરી શકશો.

શું સાઉન્ડબોક્સ આગળ કામ કરશે?

Paytm QR કોડ, Paytm Soundbox અથવા Paytm કાર્ડ મશીન ભવિષ્યમાં પણ કામ કરવાનું ચાલુ રાખશે.

રિચાર્જ અને બિલ ચુકવણી

હા, Paytm પર રિચાર્જ અને બિલ પેમેન્ટની સુવિધા ભવિષ્યમાં પણ ચાલુ રહેશે. UPI સાથે કનેક્ટ થવાથી આ સુવિધાઓ મળતી રહેશે.

વધુ વાંચો : ક્રેડિટ કાર્ડ બંધ કરાવતા પહેલાં આટલું અવશ્ય ધ્યાન રાખજો, નહીં તો લૂંટાઇ જશો!

Paytm બેંકમાં પૈસા સુરક્ષિત 

Paytm બેંકમાં નાણાં સુરક્ષિત છે અને ગ્રાહકો 15 માર્ચ પહેલા તેમની થાપણો ઉપાડી, ઉપયોગ અથવા અન્ય બેંક ખાતામાં ટ્રાન્સફર કરી શકે છે.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો