- પતંજલિની દવાને નથી મળી કોઈ મંજૂરી
- પતંજલિએ ફરીવાર લોન્ચ કરી હતી, કોરોનિલ દવા
- WHO એ ટ્વિટ કરીને આપી જાણકારી
જો કે હવે આ મામલે એક નવો વળાંક લીધો છે, વિશ્વ સ્વાસ્થ્ય સંગઠને એક ટ્વીટ દ્વારા ખુલાસો કર્યો છે કે તેમની તરફથી કોઈ પણ ટ્રેડિશનલ દવાને મંજૂરી આપવામાં આવી નથી.
કોરોનિલએ WHO સર્ટિફાઇડ નથી
વર્લ્ડ હેલ્થ ઓર્ગેનાઇઝેશનએ સ્પષ્ટ કર્યું છે કે તેણે કોઈ પરંપરાગત દવાઓની અસરની સમીક્ષા કરી નથી અથવા કોવિડ -19 ની સારવાર માટે કોઈ સર્ટિફિકેટ આપ્યું નથી. WHOનું નિવેદન પતંજલિ આયુર્વેદના દાવાના એક દિવસ પછી જ આવ્યું છે કે કોરોનિલ દવાને WHO સર્ટિફિકેટ સ્કીમ હેઠળ આયુષ મંત્રાલય તરફથી પ્રમાણપત્ર મળ્યું છે. હવે WHO ની દક્ષિણ પૂર્વ એશિયાની પ્રાદેશિક કચેરીએ તેના સત્તાવાર ટ્વિટર હેન્ડલ પર ટ્વીટ કર્યું છે કે WHO એ કોવિડ -19 ની સારવાર માટે કોઈ પરંપરાગત દવાને પ્રમાણિત કરી નથી.
પતંજલિ આયુર્વેદના મેનેજિંગ ડિરેક્ટર આચાર્ય બાલકૃષ્ણએ પણ આ મામલે ટ્વીટ કર્યું છે કે ડ્રગ્સ કંટ્રોલર જનરલ ઓફ ઈન્ડિયા DCGIએ કોરોનિલ માટે ફાર્માસ્યુટિકલ પ્રોડક્ટ સર્ટિફિકેટ FPP આપ્યો છે. તેમણે વધુમાં જણાવ્યું હતું કે પતંજલિ માત્ર લોકોની મૂંઝવણ દૂર કરીને આ બાબતે સ્પષ્ટતા કરવાનો પ્રયાસ કરી રહ્યું હતું અને તે સ્પષ્ટ છે કે WHO કોઈ પણ દવાને મંજૂરી આપતું નથી અથવા નકારતું નથી.
કોરોનિલને બે કેન્દ્રીય મંત્રીઓની હાજરીમાં લોન્ચ કરવામાં આવી હતી
શુક્રવારે જ પ્રેસ કોન્ફરન્સમાં બાબા રામદેવે ફરી એકવાર કોરોના ડ્રગ કોરોનિલ લોન્ચ કરી છે. તેમની સાથે કેન્દ્રીય આરોગ્ય પ્રધાન હર્ષ વર્ધન અને પરિવહન પ્રધાન નીતિન ગડકરી પણ હતા. રામદેવે દાવો કર્યો હતો કે પતંજલિની આ દવા વિશ્વ આરોગ્ય સંગઠન (WHO) દ્વારા પ્રમાણિત છે. એવો દાવો કરવામાં આવે છે કે WHO એ તેને જીએમપી એટલે કે 'ગુડ મેન્યુફેક્ચરિંગ પ્રેક્ટિસ'નું પ્રમાણપત્ર આપ્યું છે.
બાબા રામદેવે વધુમાં કહ્યું કે આ દવા 'પુરાવા આધારિત' છે. રામદેવે આ પ્રસંગે એક રિસર્ચ બુક પણ લોંચ કરી છે. તેમણે જણાવ્યું હતું કે વિશ્વના સૌથી પ્રભાવશાળી રિસર્ચ જર્નલમાં કોરોનિલના સંદર્ભમાં નવ રિસર્ચ પેપર પ્રકાશિત થયા છે. 16 પેપર હજુ પણ પાઇપલાઇનમાં છે."
કોરોના કિટને લઈને થયો હતો ઘણો વિવાદ
પતંજલિએ ગયા વર્ષે જૂનમાં 'કોરોના કિટ' લોન્ચ કરી હતી. આને લઈને ઘણો વિવાદ થયો હતો. આયુષ મંત્રાલયે કહ્યું હતું કે પતંજલિ ફક્ત શરીરના રોગપ્રતિકારક શક્તિમાં વધારો કરી શકે છે એમ કહીને 'કોરોનિલ' વેચી શકે છે. ત્યારબાદ રામદેવે કોવિડ -19 દવા તરીકે 'કોરોનિલ'ને વેચવાનું શરૂ કર્યું હતું, પરંતુ વિવાદ પછી તેણે રોગની અસર ઘટાડવા માટેની ડ્રગ કહેવાનું શરૂ કર્યું. રામદેવે એક પ્રેસ કોન્ફરન્સમાં કહ્યું હતું કે "મંત્રાલયે તેમને 'કોવિડ ટ્રીટમેન્ટ' ને બદલે 'કોવિડ મેનેજમેન્ટ' શબ્દ વાપરવાનું કહ્યું છે."
23 જૂન 2020 ના રોજ, રામદેવે કોવિડ -19 દર્દીઓના ઇલાજનો દાવો કરીને 'કોરોનિલ'ને લોન્ચ કરી હતી. વિવાદ શરૂ થતાંની સાથે જ દેશમાં છવાઈ ગયો હતો. ઉત્તરાખંડના આયુષ વિભાગે પણ પતંજલિ આયુર્વેદને નોટિસ પાઠવી હતી કે કોરોના માટેની કોઈ પણ દવાને બનાવવાની મંજૂરી મળી નથી.
