ગાંધીનગર / આવતીકાલે ગાંધીનગરમાં પાર્લામેન્ટરી બોર્ડની બેઠક: મેયર, સ્ટેન્ડિંગ કમિટી ચેરમેન સહિત જિલ્લા પંચાયત પ્રમુખના નામ પર થશે મહામંથન

• પાર્લામેન્ટરી બોર્ડની બેઠક મળશે
• CM નિવાસસ્થાને મળશે બેઠક
• મેયર, સ્ટેન્ડિંગ કમિટીના ચેરમેનના નામ નક્કી થશે
• 9 સપ્ટેમ્બરે થઈ રહી છે ટર્મ પૂર્ણ

Gandhinagar News: ગાંધીનગર CM નિવાસસ્થાને આવતીકાલે પાર્લામેન્ટરી બોર્ડની મહત્વની બેઠક યોજાવા જઈ રહી છે. આ બેઠકમાં મનપાના મેયર, સ્ટેન્ડિંગ કમિટીના ચેરમેન, જિલ્લા પંચાયત પ્રમુખના નામ પર મંથન થશે. મહત્વનું છે કે, આગામી 9 સપ્ટેમ્બરે મનપા, જિલ્લા પંચાયતના હોદ્દેદારોની ટર્મ પૂર્ણ થઈ રહી છે. જેથી ભાજપ નિરીક્ષકો દ્વારા સેન્સ લેવાઈ હતી. 

ભાજપના નિરીક્ષકોએ હાથ ધરી હતી સેન્સ પ્રક્રિયા
31 ઓગસ્ટથી લઈને 2 સપ્ટેમ્બર સુધી ભાજપના નિરીક્ષકો દ્વારા સેન્સ પ્રક્રિયા હાથ ધરવામાં આવી હતી. 9 સપ્ટેમ્બરના મેયર, સ્ટેન્ડિંગ કમિટીના ચેરમેન, જિલ્લા પંચાયતના પ્રમુખો અને તાલુકા પંચાયતના પ્રમુખોની અઢી વર્ષની ટર્મ પૂરી થવા જઈ રહી છે. મેયર માટે, નવા કારોબારી સભ્યો માટે સેન્સ પ્રક્રિયા હાથ ધરવામાં આવી હતી. 31 જિલ્લા પંચાયત,  237 જેટલી તાલુકા પંચાયતમાં સેન્સ પ્રક્રિયા યોજાઈ હતી. 

આવતીકાલે નામો પર કરાશે ચર્ચા
આ દરમિયાન જે નામો આવ્યા છે તેની યાદી ભાજપના નિરીક્ષકો દ્વારા બનાવવામાં આવી છે. આ યાદીને આવતીકાલે સીએમ ભૂપેન્દ્ર પટેલના અધ્યક્ષ સ્થાને યાજાનારી પાર્લામેન્ટરી બોર્ડની બેઠકમાં રજૂ કરવામાં આવશે. જે બાદ યર, સ્ટેન્ડિંગ કમિટીના ચેરમેન, જિલ્લા પંચાયતના પ્રમુખો અને તાલુકા પંચાયતના પ્રમુખો માટે આવેલા નામો પર મંથન કરવામાં આવશે. 

ટર્મ પૂરી થતા નવા નામોની થશે જાહેરાત 
જે બાદ હોદ્દેદારોના નામ પર અંતિમ મહોર પાર્લામેન્ટરી બોર્ડ મારશે. મેયર, સ્ટેન્ડિંગ કમિટીના ચેરમેન, જિલ્લા પંચાયતના પ્રમુખો અને તાલુકા પંચાયતના પ્રમુખોની ટર્મ પૂર્ણ થયા બાદ નવા નામોની જાહેરાત થશે.