અવિશ્વાસ પ્રસ્તાવ / ભ્રષ્ટાચાર, પરિવારવાદ અને તુષ્ટિકરણ, કોંગ્રેસ સરકારના ત્રણ રાક્ષસ', અમિત શાહે વિપક્ષની કરી રેવડી દાણાદાણા

• કોંગ્રેસ દ્વારા મોદી સરકાર વિરુદ્ધ અવિશ્વાસ પ્રસ્તાવ 
• રાહુલ ગાંધીએ લોકસભામાં અવિશ્વાસ પ્રસ્તાવ પર આપ્યું નિવેદન
• ગૃહમંત્રી અમિત શાહે કહ્યું કે..

કોંગ્રેસ દ્વારા મોદી સરકાર વિરુદ્ધ અવિશ્વાસ પ્રસ્તાવ લવાયો છે. જે મુદ્દો હાલ ગાજી રહ્યો છે.  જેના પર ભારે ચર્ચા ચાલી રહી છે. આ અંગે આજે રાહુલ ગાંધીએ લોકસભામાં અવિશ્વાસ પ્રસ્તાવ પર નિવેદન આપ્યું હતું. તીખા પ્રહારો કરતા તેમણે કહ્યું હતું કે ભાજપના રાજકારણે મણિપુરમાં ભારત માતાની હત્યા કરી નાંખી છે. તેઓએ એવું પણ કહ્યું હતું કે વડાપ્રધાન મણિપુરને ભારતનો હિસ્સો માનતા નથી. આ આકરા નિવેદનને લઈને ગૃહમાં મોટાપાયે હોબાળો બચી ગયો હતો. રાહુલ ગાંધીએ કહ્યું હતું કે હું મણિપુર ગયો છું પરંતુ વડાપ્રધાન હજુ સુધી ગયા નથી.  

LIVE: Address to the Parliament | No Confidence Motion https://t.co/1FBUqftwJ9

— Rahul Gandhi (@RahulGandhi) August 9, 2023

વંશવાદ અને ભ્રષ્ટાચારનો અંત

બીજી તરફ આ મામલે ગૃહમંત્રી અમિત શાહે કહ્યું હતું કે મણિપુરની ઘટના શરમજનક છે. પરંતુ આ ઘટનાને લઇને વિપક્ષ દ્વારા જે રાજનીતિ કરવામાં આવી રહી છે તે આ ઘટનાથી પણ વધુ શરમજનક છે. વધુમાં લોકસભામાં અવિશ્વાસ પ્રસ્તાવ ગૃહપ્રધાન અમિત શાહે વાત કરતા કહ્યું કે 'PM મોદી સરકારે કેટલાક મહત્વના નિર્ણયો લીધા છે અને તેના પરિણામે વંશવાદ અને ભ્રષ્ટાચારનો અંત આવવા લાગ્યો છે. યુપીએ સત્તાનું રક્ષણ કરે છે. જ્યારે એનડીએ સિદ્ધાંતોની રક્ષા માટે પ્રયત્નશીલ હોવાનું કહ્યું હતું.

Speaking in the Lok Sabha.
https://t.co/bgfC6O7nl8

— Amit Shah (@AmitShah) August 9, 2023

કોંગ્રેસ સરકારના ત્રણ રાક્ષસ...

બીજી બાજુ ગૃહપ્રધાન અમિત શાહે કહ્યું હતું કે કોંગ્રેસના શાસનમાં કમિશન ચાલતા હતા. જ્યારે હવે આ પ્રથા નથી. અમિત શાહે વિપક્ષની રેવડી વેરતા કહ્યું હતું કે ભ્રષ્ટાચાર, પરિવારવાદ અને તૃષ્ટિકરણએ કોંગ્રેસ સરકારના ત્રણ રાક્ષસ છે.