ક્રિકેટ / PAK vs NZ: પાકિસ્તાનના નામે નોંધાયો એક શરમજનક રેકોર્ડ, 145 વર્ષના ટેસ્ટ ક્રિકેટના ઇતિહાસમાં આવું પહેલી વખત થયું

• 145 વર્ષના ટેસ્ટ ક્રિકેટના ઇતિહાસમાં આવું પહેલી વખત થયું
• શફીક-શાનના નામે નોંધાયો આ શરમજનક રેકોર્ડ 

પાકિસ્તાન અને ન્યુઝીલેન્ડ વચ્ચે ટેસ્ટ સીરીઝની પહેલી મેચ કરાચીમાં રમાઈ રહી છે. એવામાં પાકિસ્તાને ટોસ જીતીને પ્રથમ બેટિંગ કરવાનો નિર્ણય કર્યો હતો. જણાવી દઈએ કે આ દરમિયાન નેશનલ સ્ટેડિયમમાં રમાઈ રહેલી ટેસ્ટમાં એક અનોખો રેકોર્ડ બન્યો હતો. આ ટેસ્ટ ક્રિકેટમાં આવું પહેલી વખત બન્યું છે જ્યારે કોઈ ટીમની પહેલી બે વિકેટ સ્ટમ્પિંગ દ્વારા પડી હોય. 

Abdullah Shafiq gifted his wicket to New Zealand as soon as he arrived.@imabd28 @BLACKCAPS @TheRealPCB #BabarAzam𓃵 #BabarAzam𓃵 #PakvsNZ pic.twitter.com/y8Jd0b8E23

— k@mi (@KMi13181) December 26, 2022

શફીક-શાનના નામે નોંધાયો આ રેકોર્ડ 
ટેસ્ટ ક્રિકેટના 145 વર્ષમાં અને અત્યાર સુધી રમાયેલી 2484 મેચોમાં કોઈપણ ટીમના પ્રથમ બે બેટ્સમેન ક્યારેય સ્ટમ્પિંગ તરીકે આઉટ થયા નથી પણ આ રેકોર્ડ પાકિસ્તાન અને ન્યુઝીલેન્ડ વચ્ચે કરાચીમાં રમાઈ રહેલી ટેસ્ટ મેચમાં બન્યો હતો. જણાવી દઈએ કે ઇનિંગની શરૂઆત કરવા આવેલા અબ્દુલ્લા શફીકને એજાઝ પટેલના બોલ પર વિકેટકીપર ટોમ બ્લંડેલે સ્ટંપ આઉટ કર્યા હતા અને આ પછી ત્રીજા નંબરે બેટિંગ કરવા આવેલા શાન મસૂદને માઈકલ બ્રાસવેલના બોલ પર બ્લેન્ડલે સ્ટમ્પ આઉટ કર્યા હતા. આ રીતે ટેસ્ટ ક્રિકેટના ઈતિહાસમાં પહેલી વખત કોઈ ટીમના પહેલા બે ખેલાડીઓ વિકેટ સ્ટમ્પિંગ દ્વારા આઉટ થયા હતા. 

Shan Masood walks back towards the pavilion 👀#PAKvNZ pic.twitter.com/ihufU5t58z

— Cricket Pakistan (@cricketpakcompk) December 26, 2022

બાબર આઝમની શાનદાર બેટિંગ
પાકિસ્તાને 19 રનમાં પોતાની બે વિકેટ ગુમાવી દીધી હતી. આ પછી ચોથા નંબર પર બેટિંગ કરવા આવેલા બાબર આઝમે જવાબદારી સંભાળી હતી. જણાવી દઈએ કે બાબર આઝમે ઈમામ-ઉલ-હક સાથે 29 રન અને સઈદ શકીલ સાથે 62 રનની ભાગીદારી કરીને ટીમને મુશ્કેલીમાંથી બહાર કાઢી હતી. આ પછી બાબરે પૂર્વ કેપ્ટન સરફરાઝ અહેમદ સાથે શાનદાર ભાગીદારી કરીને ટીમને મેચમાં વાપસી અપાવી હતી.