બનાસકાંઠા / મોઢે રૂમાલ અને હાથમાં તલવાર લઈને ખુલેઆમ દાદાગીરી, એરપોર્ટ જેવા મોટા બસ-સ્ટેશન બની ગયા, એવી જ સુરક્ષા ક્યારે આપશે સરકાર?

• પાલનપુર ST ડેપોમાં અસામાજિક તત્વોનો આતંક  
• ST ડેપોમાં થયેલી તોડફોડની ઘટના CCTVમાં થઈ કેદ
• 20થી 25 યુવકોના ટોળાએ દુકાનમાં કરી તોડફોડ

બનાસકાંઠાનાં પાલનપુર એસટી બસ સ્ટેશન પર કેટલાક અસામાજિક તત્વોઓએ ખુલ્લી તલવાર સાથે ફરતા હતા. જે વીડિયો સોશિયલ મીડિયા પર વાયરલ થયો હતો. ત્યારે બસ સ્ટેન્ડ પર સુરક્ષાનો પણ અભાવ હોવાથી મોટી ઘટના બને એવા એંધાણ છે. ત્યારે નવા એસટી બસ સ્ટેશન પર મુસાફરોની સુરક્ષા સામે સવાલો છે.

પોલીસે CCTV ફૂટેજના આધારે તપાસ હાથ ધરી
પાલનપુર એસટી ડેપોમાં અસામાજિક તત્વોનો આતંક મચાવ્યો હતો. ત્યારે એસટી ડેપોમાં થયેલી તોડફોડની ઘટના સીસીટીવીમાં કેદ થઈ હતી. એસટી ડેપોમાં તલવાર સાથે ઘુસેલા અસામાજીક તત્વોએ દુકાનોમાં તોડફોડ કરી હતી. જેમાં 20 થી 25 યુવકોનાં ટોળાએ દુકાનમાં તોડફોડ કરી હતી. પોલીસે સીસીટીવી ફૂટેજનાં આધારે ગુનો નોંધી તપાસ હાથ ધરી છે.