સસ્તા સ્ટોલ / અમદાવાદમાં 25 રૂપિયામાં મળશે એક કિલો ડુંગળી, રાહતદરે ચણાદાળ અને લોટનું વેચાશે: લોકોને રાહત આપવા સરકારની નવી પહેલ

• બજારમાં મોંઘીદાટ વેચાતી ખાદ્યસામગ્રી સામે સરકારની રાહત
• રાહત દરે સરકાર આપી રહી છે ડુંગળી, ચણાદાળ અને લોટ
• સરકારની પહેલને લોકોએ પણ આવકારી

રોજબરોજ ઉપયોગમાં લેવાતી અને ગરીબોની કસ્તુરી એવી ડુંગળીના ભાવ આસામાને પહોંચી ગયા છે, મોંઘવારીનો માર પણ પ્રજા સહન કરી રહી છે, ત્યારે ગરીબોની થાળીમાં ડુંગળીનો સ્વાદ જળવાય તે માટે સરકાર અને નાફેડ દ્વારા રાહત દરે ડુંગળીનું વેચાણ કરવામાં આવી રહ્યું છે.

હાલમાં મોંઘવારીએ માંઝા મુકી છે.. શાકભાજી, કઠોળ, ખાદ્યતેલ સહિત દરેક વસ્તુમાં પ્રજાને મોંઘવારીનો માર સહન કરવાનો વારો આવ્યો છે. ગરીબોની કસ્તુરી ગણાતી એવી ડુંગળીના ભાવ પણ આસમાને પહોંચી ગયા છે. જેને લઈ ગૃહિણીઓનું બજેટ ખોરવાયું છે. ત્યારે ગરીબોની થાળીમાં ડુંગળીનો સ્વાદ જળવાય તે માટે સરકાર અને નાફેડ દ્વારા રાહતદરે ડુંગળીનું વેચાણ કરવામાં આવી રહ્યું છે.. આ માટે અમદાવાદ શહેરમાં વિવિધ વિસ્તારમાં નાફેડ બેનર હેઠળના ટેમ્પાઓ ફરી રહ્યા છે. જેમાં નાગરિકોને સસ્તા ભાવે ડુંગળી સહિત ચણાની દાળ અને ઘઉંના લોટનું રાહતદરે વેચાણ થઇ રહ્યું છે. ત્યારે સરકારની આ પહેલને ગરીબ અને મધ્યવર્ગના લોકો પણ આવકારી રહ્યા છે.. 

બજારમાં મોંઘીદાટ વેચાતી ખાદ્યસામગ્રી નાફેડ દ્વારા નાગરિકોને રાહતદરે વેચાણા કરવામાં આવી રહ્યું છે. ડુંગળીનો ભાવ હાલ બજારમાં 60થી 70 રૂપિયા પ્રતિકિલોએ વેચાય છે જેની સામે નાફેડના બેનર હેઠળ 25 રૂપિયા પ્રતિકિલ્લો વેચવામાં આવી રહી છે.. તેવી જ રીતે 60 રૂપિયે પ્રતિકિલ્લોના દરે ચણાદાળ અને 27.50 રૂપિયાના દરે લોટનું નાફેડ દ્વારા વેચાણ કરવામાં આવી રહ્યું છે. ગરીબ અને મધ્યમવર્ગને મોંઘવારીનો માર સહન ન કરવો પડે અને રાહતદરે ડુંગળી સહિતની ખાદ્યસામગ્રી મળી રહે તે માટે કેન્દ્ર સરકાર અને નાફેડ દ્વારા આ આયોજન કરવામાં આવ્યું છે.