કિલ્લોલ / સૌરાષ્ટ્રમાં આઠમ-નોમના મેળામાં માનવમહેરામણ: રાજકોટમાં દોઢથી બે લાખ લોકોએ મજા માણી, જામનગરમાં પણ પગ મૂકવાની જગ્યા ન રહે તેવી ભીડ

• રાજકોટના લોક મેળામાં માનવ મહેરામણ ઉમટ્યુ
• લોક મેળામાં 1.5 લાખ જેટલા લોકોએ માણી મેળાની મજા
• જન્માષ્ટમીને લઈ રાજકોટમાં લોકમેળાનુ આયોજન
• સૌરાષ્ટ્ર ભરમાં આજે જન્માષ્ટમીના લોક મેળાનુ અનેક જગ્યાએ આયોજન

જન્માષ્ટમીને લઈ રાજકોટમાં તંત્ર દ્વારા લોકમેળાનું જાજરમાન આયોજન કરવામાં આવ્યું છે. સૌરાષ્ટ્રનો સૌથી મોટો ગણાતો રાજકોટનો લોક મેળો ગુજરાતભરમાં ખૂબ જ પ્રખ્યાત છે લોકો આ મેળાની મોજ માણવા માટે લોકો વર્ષ દરમિયાન આતુરતાથી રાહ જોતા હોય છે. ત્યારે આ મેળામાં માનવ મહેરામણ ઉમટ્યુ હતું. સૌરાષ્ટ્રભરના લોકો મેળામાં દોડી આવતા 1.5 લાખ જેટલા લોકોએ મેળાની મોજ માણી હતી. રાજકોટમા સાંજ પડતા જ માનવ મહેરામણ મેળામાં ઉંમટી પડ્યું છે. 

લોકો આતુરતાથી જોતા હતા મેળાની રાહ 
આજે દોઢ લાખ જેટલા લોકો મેળાની મજા માણી હતું. આજે જન્માષ્ટમી હોવાથી લોકોને રજા હોય જે રજાનો લોકોએ મેળા સંગ આનંદ માણ્યો હતો.
ગ્રામ્ય વિસ્તારોમાંથી મોટી સંખ્યામાં લોકો રેસકોસ ગ્રાઉન્ડ પહોંચ્યા હતા. લોકોનો ઉત્સાહ આભને આંબતો દેખાયો હતો. કેટલાય લોકોએ કહ્યું હતું  કે તેઓ છેલ્લા ત્રણ મહિના થયા આતુરતાથી મેળાની રાહ જોતા હતા. બીજી બાજુ આજે મેળાનું ખૂબ જ સારો માહોલ હોવાનું પણ લોકોએ જણાવ્યું હતું.

ગોંડલ, જસદણ સહિતના પંથકના લોકો મેળા ઉમટી પડયા

લોકોએ તમામ મુશ્કેલી અને સમસ્યા ભૂલી પોતાના પરિવાર સાથે મેળાની મજા માણવા પહોંચ્યા હતા. ખાસ મોરબી, ગોંડલ, જસદણ સહિતના પંથકના લોકો મેળા ઉમટી પડતા મેળામાં ચિક્કાર મેદની જોવા મળી હતી. બીજી બાજુ જન્માષ્ટમીનું સૌરાસ્ટ્ર પંથકમા ખૂબ જ મહત્વ હોય છે જેથી સૌરાષ્ટ્ર ભરમાં આજે જન્માષ્ટમીના લોક મેળાના અનેક જગ્યાએ આયોજન કરવામા આવતા હોય છે. જેનો ઉત્સવપ્રેમી જનતાએ આનંદ લૂંટયો હતો. બીજી બાજુ જામનગરમાં પણ સાતમ આઠમ,નોમના લોકમેળાની જોરદાર રંગત જામી છે. મેળામાં માનવસાગર ઉમટયો છે. લોકોએ આઠમના દિવસે રંગબેરંગી લાઈટોના અદભુત નજારા સાથેના મેળામાં વિવિધ રાઈટ્સ અને ખાણીપીણીની મોજ માણી હતી.