પંચમહાલ / મોરવા હડફના મહિલા ધારાસભ્ય ટીમલીના તાલે ઝૂમી ઉઠ્યા, સાદાઈથી કરી ઉત્તરાયણની ઉજવણી

• ધારાસભ્ય નિમિષાબેન સુથારનો અનોખો અંદાજ જોવા મળ્યો
• ઉત્તરાયણ પર્વ પર નિમિષાબેન સુથાર ટીમલીના તાલે ઝૂમી ઉઠ્યા 
• નિમિશાબેન સુથારે સાદાઈથી ઉત્તરાયણ પર્વની ઉજવણી કરી 

સમગ્ર રાજ્યભરમાં ઉત્તરાયણ પર્વની ધામધૂમથી ઉજવણી કરવામાં આવી છે. ત્યારે આજે પંચમહાલના કડાણામાં ધારાસભ્ય નિમિશાબેન સુથારે ઉત્તરાયણની ઉત્સાહભેર ઉજવણી કરી હતી. તેમણે  તેમના નિવાસ્થાને પતંગ ચગાવીને અને ટીમલી ગીતના તાલે ઝૂમી ઉત્તરાયણની ઉજવણી કરી છે. 

ધારાસભ્ય નિમિષાબેન સુથારનો અનોખો અંદાજ જોવા મળ્યો
ઉત્તરાયણ પર્વની ઉજવણી દરમ્યાન ધારાસભ્ય નિમિષાબેન સુથારનો અનોખો અંદાજ જોવા મળ્યો છે. કડાણામાં ધારાસભ્ય નિમિષાબેન સુથાર ટીમલી ગીતના તાલે ઝૂમતા જોવા મળ્યાં હતા. પોતાના નિવાસ્થાને પરિવાર સાથે ટીમલીના તાલે નિમિષાબેન સુથાર ઝૂમ્યા છે. ઉત્તરાયણ પર્વ સાદગી સભર ઉજવણી કરી છે.

નિમિષાબેન સુથાર ટીમલીના તાલે ઝૂમી ઉઠ્યા
તમને જણાવી દઈએ કે, ધારાસભ્ય નિમિષાબેન સુથાર અવાર-નવાર પોતાની પરંપરા મુજબ ટીમલીના તાલે મન મૂકીને ઝુમતો વીડિયો સોશિયલ મીડિયામાં વાયરલ થાય છે. ફરી એકવાર તેઓ ઉત્તરાયણ પર ટીમલીના ગીત પર ઝૂમી ઉઠ્યાં હતા. તેમજ અગાઉ પણ ભજનમાં લીન અને ટીમલીના તાલે ઝૂમતા તેઓ તેમની પરંપરાઓ જાળવતા હોય તેવું જણાઈ રહ્યું છે. પોતાના પરિવાર સાથે જ નિમિશાબેન સુથારે સાદાઈથી ઉત્તરાયણ પર્વની ઉજવણી કરી હતી. 

ગૃહ રાજ્યમંત્રી હર્ષ સંઘવીએ મકરસંક્રાંતિની ઉજવણી કરી
સુરતમાં આજે મકરસંક્રાંતિના પર્વની ઉત્સાહભેર ઉજવણી થઈ રહી છે. એવામાં ગૃહ રાજ્યમંત્રી હર્ષ સંઘવીએ ગૌ પૂજન કરીને ઉત્તરાયણ મનાવી હતી. એ પછી હર્ષ સંઘવીએ પરિવાર સાથે રીવ્યુલેટ બિલ્ડીંગમાં પતંગ ચગાવીને કરી મકરસંક્રાંતિની ઉજવણી કરી હતી. 
મીડિયા સાથે વાત કરતાં હર્ષ સંઘવીએ ગુજરાતના દરેક લોકોને મકરસંક્રાંતિની શુભકામનાઓ આપતાની સાથે જ સંદેશ પણ આપ્યો હતો. એમને કહ્યું હતું કે 'ઉતરાયણના દિવસની શરૂઆત લોકો દાનથી કરે છે અને એ પછી આખો દિવસ ધાબા પર ચઢીને પતંગ ચગાવવાની પરંપરા વર્ષો જૂની છે. આખા દિવસ દરમિયાન પવન ના સાથ અને સંગમ જોડે લોકો પતંગ ચગાવે છે. આપણે બધા જાણીએ છીએ કે સુરત ની ધરતી સુરતી માંજા માટે ઘણી પ્રખ્યાત છે. ઉતરાયણ દરમિયાન એક બીજા જોડે પતંગ ચગવવા કોઈ ના પતંગ કાપવો એ એ એક બીજા જોડે પતંગ ચગવવા કોઈ ના પતંગ કાપવો એ એક રમત ચાલે છે જે ઘણું સામાન્ય પણ છે. પણ આ દોસ્તીની રમતમાં કેટલાક લોકો કોઈક ના જીવનનો પેચ પણ કાપવાનું કામ કરે છે.