જાગૃતતા / અમદાવાદના લાલ દરવાજામાં પોલીસ બની ચોર, લોકોના મોબાઈલ અને પર્સ ચોર્યા, આવું કરવાનું કારણ જાણી ભૂલ સમજાઈ જશે

• લાલ દરવાજામાં જામ્યો દિવાળીનો માહોલ
• ખરીદી માટે ઉમટ્યા લાખો લોકો
• કિંમતી ચીજવસ્તુઓ સાચવવા પોલીસની પહેલ

Ahmedabad diwali 2023 : રાજ્યમાં ધીમે ધીમે દિવાળીનો માહોલ જામી રહ્યો છે. ગુજરાત સહિત દેશભરમાં દિવાળીની રંગત જામી હોય તેવું બજારોની ભીડ પરથી જણાઈ રહ્યું છે. લોકો એકલ દોકલ ખરીદી કરી રહ્યાં છે. ત્યારે અમદાવાદની શાન ગણાતી લાલાદરવાજા માર્કેટમાં પણ નાગરિકોની ભીડ જામી રહી છે. ત્યારે ખરીદી કરતા લોકોના ચહેરા પર આ દિવાળીની ચમક નજરે પડી રહી છે. તો બીજી તરફ પોલીસ પણ ચોરી જેવી બાબતોને લઈ સતર્ક જોવા મળી રહી છે

વસ્તુઓ ખરીદવા લોકોની ભીડ 
દિવાળીને લઈને ખરીદી માટે જાણીતા એવા લાલ દરજાવાજાની બજારોમાં ખરીદીનો માહોલ જોવા મળી રહ્યો છે. દિવાળી પહેલાનો છેલ્લો રવિવાર હોવાથી લોકો મોટી સંખ્યામાં ખરીદી કરવા બજારમાં ઉમટી પડ્યા હતા. દિવાળી પહેલા ખરીદીને લઈને લોકોમાં ઉત્સાહ જોવા મળી રહ્યો છે. ઘરવખરીનો સામાન, કપડાં સહિતની નાની મોટી વસ્તુઓ ખરીદવા લોકોની ભીડ જામી છે. 

પોલીસ દાગીના, બાળકોને સાચવવા કર્યા અલર્ટ 
ખરીદી કરતા લોકોની કિંમતી ચીજવસ્તુઓ સાચવવા પોલીસે મહત્વની પહેલ કરી છે. પોલીસ નકલી ચોર બનીને લોકોમાં જાગૃતતા ફેલાવવાનું કામ કરી રહી છે. મોબાઈલ, પર્સ, સોનાના દાગીના, બાળકોને સાચવવા પોલીસે લોકોને એલર્ટ કર્યા છે. અહીં 30થી વધુ પોલીસ જવાનો સાથે લોકોમાં જાગૃતતા ફેલાવવા કાર્યક્રમ યોજ્યા હતા.