- મર્યાં નહીં કે વિધિ થઈ નથી લોકોને એટલી ઉતાવળ
- જીવતા માણસની અંતિમવિધિની ઘટના
- એ તો સારુ કે અંતિમ સંસ્કાર પહેલા જાગી ગઈ
- ઓડિશાના બેરહામપુરમાં ચોંકાવનારી ઘટના
જીવતેજીવ તો ઉતાવળ પરંતુ મરણમાં પણ ઉતાવળ. આવી ઉતાવળમાં એક જીવતી મહિલાને બાળી નાખેત એતો સારુ થયું કે સળગાવતા પહેલા તે જાગી ગઈ અને બચી ગઈ. ઓડિશાના બેરહામપુરમાં એક મહિલાને મરેલી માનીને લોકો સ્મશાનમાં લઈ ગયા પરંતુ અંતિમ સંસ્કાર પહેલા ચિતા પર બેઠી થઈ જતાં લોકો તાકતા રહી ગયા અને જે શબવાહિનીનું સાધન તેને લઈને સ્મશાને આવ્યું હતું તે જ સાધનમાં તે જીવતી થઈને ગઈ હતી.
સળગાવતાં જતાં જ જાગી ઉઠી
બેરહામપુરમાં 52 વર્ષીય બિજુ અમ્માની તબિયત ખરાબ હોવાથી હોસ્પિટલમાં દાખલ કરાયા હતા જ્યાં તેમનો શ્વાસ બંધ થઈ જતાં ડોક્ટરોએ ડેડ જાહેર કરી હતી. આ પછી ઘરના તેને શબવાહિની દ્વારા સ્મશાને લઈ ગયા અને લાશને ચિતા પર પણ રાખી હતી પરંતુ અચાનક તેમનો શ્વાસ ચાલવા લાગ્યો અને તેઓ બેઠા થઈ ગયા હતા અને જે લોકો આગ લગાડવાની તૈયારીમાં હતા બરાબર ત્યારે તે ઉઠી ગયા હતા.
જે શબવાહિનીમાં લાશ આવી તેમાં જ જીવતી પાછી ગઈ
અમ્માનો પરિવાર ખૂબ જ ગરીબ હોવાથી તેના અંતિમ સંસ્કાર માટે સ્થાનિક રહેવાસીઓએ પૈસા એકઠા કર્યા હતા. ચિતાની તૈયારી થઈ રહી હતી. જોકે, તે અચાનક જાગી ગઈ હતી. અંતિમ સંસ્કારમાં ભાગ લેવા પહોંચેલા એક સ્થાનિક રહેવાસીએ જણાવ્યું હતું કે, "અમ્માએ તેની આંખો ખોલી અને અમારા કોલનો જવાબ આપ્યો, જેનાથી અમને આઘાત લાગ્યો." વાન ચાલકને ફરીથી બોલાવવામાં આવ્યો હતો અને અમ્મા તે જ વાહનમાં ઘરે ગઈ હતી.
આ ઘટનામાં શું ગણવુ?
ડોક્ટરોની ભૂલ ગણાય કે પછી જીવ પાછો આવ્યો? આવી ઘટનાઓમાં ઘણી વાર ડોક્ટરો પણ જોયા જાણ્યા વિના જીવતાને મરેલા જાહેર કરી નાખે છે તો ઘણી વાર ચમત્કાર પણ થતો હોય છે.
