- ગુજરાતવાસીઓ માટે સારા સમાચાર
- દક્ષિણ રાજસ્થાનમાં વાવાઝોડું સાંજે ડિપ્રેશન બનશે
- ગુજરાતમાંથી બિપોરજોય વાવાઝોડાની અસર થશે ઓછી
- બિપોરજોય વાવાઝોડું ગઇકાલે રાત્રે ડીપ ડીપ્રેશનમાં ફેરવાયુ
- ગુજરાતમાં તેની અસર ધીરે ધીરે ઓછી થઈ રહી છે
ગુજરાતવાસીઓ માટે સારા સમાચાર સામે આવ્યા છે. વાત જાણે એમ છે કે, હવામાન વિભાગે કહ્યું છે કે, દક્ષિણ રાજસ્થાનમાં વાવાઝોડું આજે સાંજે ડિપ્રેશન બનશે. જેને લઈ હવે ગુજરાતમાંથી બિપોરજોય વાવાઝોડાની અસર ઓછી થશે. બિપોરજોય વાવાઝોડું ગઇકાલે રાત્રે ડીપ ડીપ્રેશનમાં ફેરવાયુ હતું. જેને લઈ હવે ગુજરાતમાં તેની અસર ધીરે ધીરે ઓછી થઈ રહી છે.
હવામાન વિભાગના વૈજ્ઞાનીક વિજીનલાલે રાજ્યમાં બિપોરજોય વાવાઝોડું અને વરસાદને લઈ મોટું નિવેદન આપ્યું છે. વિજીનલાલે કહ્યું છે કે, બિપોરજોય વાવાઝોડું ગઇકાલે રાત્રે ડીપ ડીપ્રેશનમાં ફેરવાયા બાદ હવે દક્ષિણ રાજસ્થાનમાં વાવાઝોડું આજે સાંજે ડિપ્રેશન બનશે. આ સાથે સાબરકાંઠા અને બનાસકાંઠામાં ભારે વરસાદ રહેશે. જેને લઈ માછીમારોને દરિયો ન ખેડવાની સૂચના અપાઈ છે. કોસ્ટલ વિસ્તારમાં lcs 3 સિગ્નલ યથાવત રખાયું છે.
હવામાનની આગાહી મુજબ ઉત્તર ગુજરાતમાં ભારે વરસાદ રહેશે. આ સાથે સૌરાષ્ટ્ર અને કચ્છમાં બે દિવસ વરસાદ રહેશે. અમદાવાદ ગાંધીનગર સહિત મધ્ય ગુજરાતમાં સામાન્ય વરસાદ રહેશે. હવામાન વિભાગનું માનીએ તો બિપોરજોય ચક્રવાત રાજસ્થાન તરફ આગળ વધ્યું છે. જેને લઈ હજુ રાજ્યમાં 24 કલાક વરસાદી માહોલ રહેશે. જેમાં ક્યાંક છુટોછવાયો તો ક્યાંક ભારે વરસાદ રહેશે.
અંબાલાલ પટેલે પણ કરી છે આગાહી
રાજ્યમાં વરસાદને લઈ હવામાન નિષ્ણાંત અંબાલાલ પટેલની મોટી આગાહી સામે આવી છે. વાત જાણે એમ છે કે, હવામાન વિભાગે આજે રાજ્યના અનેક વિસ્તારોમાં વરસાદની આગાહી કરી છે. આ દરમિયાન હવે હવામાન નિષ્ણાંત અંબાલાલ પટેલે પણ ગુજરાતમાં વરસાદને લઈ આગાહી કરી છે. અંબાલાલ પટેલે દક્ષિણ ગુજરાતમાં 27થી 30 જૂન ભારે વરસાદની શક્યતા વ્યક્ત કરી છે. અંબાલાલ પટેલે કહ્યું કે, આ ચોમાસામાં પાણીની સમસ્યાનું સમાધાન થશે. આ સાથે ઉમેર્યું કે, બનાસકાંઠાના વિવિધ ભાગમાં પણ વરસાદ થશે. આ સાથે મુંબઈ સહિત મહારાષ્ટ્રના ભાગોમાં ભારે વરસાદની શક્યતા વ્યક્ત કરી છે.
