કામની વાત / હવે આધારકાર્ડ વગર પણ ડ્રાઈવિંગ લાઈસન્સ નીકળી જશે, આ ડોક્યુમેન્ટથી થઈ જશે કામ, મંત્રાલયે લિસ્ટ બહાર પાડ્યું

• હવે આધાર કાર્ડ વગર પણ થઈ શકશે તમારું કામ
• માર્ગ અને પરિવહન મંત્રાલયે લાઇસન્સ અને નોંધણી માટે જાહેર કર્યુ લિસ્ટ
• સરકારે આ ડોક્યુમેન્ટને ડ્રાઇવિંગ લાયસન્સ માટે માન્ય ગણ્યા છે

જો તમે પણ ડ્રાઇવિંગ શીખી રહ્યા છો અને તમારું ડ્રાઇવિંગ લાઇસન્સ મેળવવા માંગો છો, તો આ સમાચાર તમારા માટે ઉપયોગી થઈ શકે છે. જી હા, જ્યારે પણ આપણે કોઈ સરકારી ડોક્યુમેન્ટ બનાવવાનું હોય, ત્યારે તેના માટે આધાર કાર્ડ સૌથી મહત્વપૂર્ણ ડોક્યુમેન્ટ્સમાંથી એક માનવામાં આવે છે. પરંતુ, ઘણી વખત આધાર કાર્ડ ખોવાઈ જવાને કારણે આપણું કામ થતું નથી. આવી સ્થિતિમાં, જો તમારી પાસે આધાર કાર્ડ ન હોવાને કારણે તમારું ડ્રાઇવિંગ લાઇસન્સ અટકી ગયું છે, તો તમારે ચિંતા કરવાની જરૂર નથી. હવે આધાર કાર્ડ વગર પણ થઈ શકશે તમારું કામ.

હવે તમારું ડ્રાઇવિંગ લાઇસન્સ આધાર અને વોટર આઈડી કાર્ડ વગર પણ બનાવી શકાશે. તાજેતરમાં, માર્ગ અને પરિવહન મંત્રાલયે લાઇસન્સ અને નોંધણી માટે ID, એડ્રેસ પ્રૂફ અને એજ પ્રૂફ માટે લિસ્ટ જાહેર કર્યુ છે. આવો જણાવીએ કે આ યાદીમાં કયા ડોક્યુમેન્ટ સામેલ છે.

આ ડોક્યુમેન્ટથી પણ થશે કામ 
માર્ગ અને પરિવહન મંત્રાલયે એક લિસ્ટ બનાવ્યુ છે જેમાં આધાર અથવા મતદાર ID વગરના લોકો ડ્રાઇવિંગ લાઇસન્સ માટે અરજી કરી શકે છે. આ લિસ્ટમાં રેશન કાર્ડ અથવા કોઈપણ ફોટો આઈડી કાર્ડ, કેન્દ્ર અથવા રાજ્ય સરકારના કર્મચારીઓનું સેવા કાર્ડ, ખેડૂત ફોટો પાસબુક, વિકલાંગતા ઓળખનો પુરાવો અને લગ્ન પ્રમાણપત્રનો સમાવેશ થાય છે. સરકારે આ ડોક્યુમેન્ટને ડ્રાઇવિંગ લાયસન્સ માટે માન્ય ગણ્યા છે.

એજ પ્રૂફ માટે જોઇશે આ ડોક્યુમેન્ટ
ડ્રાઇવિંગ લાયસન્સ માટે કોઈપણ માન્યતા પ્રાપ્ત શાળા અથવા બોર્ડની 10 માર્ક શીટ વય પુરાવા માટે માન્ય રહેશે. આ સિવાય આઈડી પ્રૂફ માટે પાન કાર્ડ જરૂરી રહેશે. જો તમારી પાસે આ બધા ડોક્યુમેન્ટ હશે તો પણ તમારું ડ્રાઇવિંગ લાઇસન્સ સરળતાથી બની જશે.