કાર્યક્રમ / નર્મદાના કેવડિયા ખાતે આજે નેશનલ કોન્ફરન્સ, PM Modi વર્ચ્યુઅલી કાયદા મંત્રી અને સચિવોને કરશે સંબોધન

• નર્મદાના કેવડિયા ખાતે આજે નેશનલ કોન્ફરન્સ
• PM નરેન્દ્ર મોદી કોન્ફરન્સમાં વર્ચ્યુલી જોડાશે
• દેશના કાયદા મંત્રી અને સચિવોને કરશે સંબોધન

ગુજરાત વિધાનસભાની ચૂંટણીની તારીખો હવે ટૂંક સમયમાં જાહેર થઇ શકે છે. ત્યારે કેન્દ્ર સરકારનું હાલ સંપૂર્ણ ફોકસ ગુજરાત પર જ છે. ત્યારે આજે નર્મદાના કેવડિયા ખાતે નેશનલ કોન્ફરન્સ યોજાશે. ઓલ ઇન્ડિયા લો મિનિસ્ટર અને લો સેક્રેટરીની કોન્ફરન્સ યોજાશે. આ કોન્ફરન્સમાં PM મોદી વર્ચ્યુલી જોડાશે.

આગામી 19 ઓક્ટોબરે રાજકોટમાં યોજાનાર PM મોદીનો રોડ શો લંબાવાયો, પ્રથમ રોડ શો એરપોર્ટથી શાસ્ત્રી મેદાન સુધી યોજાશે, બાદમાં શાસ્ત્રી મેદાનથી ફરી રોડ શો શરૂ થઈ રેસકોર્સ સુધી યોજાશે#Gujarat #rajkot #pmnarendramodi #GujaratElection2022

— VTV Gujarati News and Beyond (@VtvGujarati) October 15, 2022

કોન્ફરન્સમાં ભારતીય કાનૂની તંત્રને લગતા વિવિધ વિષયો પર ચર્ચા થશે

PM મોદી આ કોન્ફરન્સમાં દેશના વિવિધ કાયદા મંત્રીઓ અને સચિવોને સંબોધન કરશે. એ સિવાય PM મોદી અખિલ ભારતીય પરિષદને પણ સંબોધિત કરશે. આ કોન્ફરન્સમાં ભારતીય કાનૂની તંત્રને લગતા વિવિધ વિષયો પર ચર્ચા થશે.

PM મોદી 19મીએ આવશે રાજકોટના પ્રવાસે

ઉલ્લેખનીય છે કે, તાજેતરમાં જ પીએમ મોદીએ તેમના ગુજરાત પ્રવાસ દરમિયાન અનેક વિકાસ કાર્યોનું લોકાર્પણ અને ખાતમુહૂર્ત કર્યું હતું અને જામકંડોરણામાં વિશાળ સભાને સંબોધન કર્યું હતું. ત્યારે એકવાર ફરી તેઓ ગુજરાતની મુલાકાતે આવી રહ્યાં છે. આગામી 19મીએ PM મોદીની રાજકોટમાં સભા યોજાશે. આ પ્રવાસ દરમ્યાન PM મોદી રાજકોટમાં ભવ્ય રોડ શો પણ કરશે. મહત્વનું છે કે, PMના આગમન પહેલાં રાજ્યમાં તડામાર તૈયારીઓ શરૂ કરી દેવાઇ છે.

Prime Minister Narendra Modi to address the inaugural session of the All India Conference of Law Ministers and Law Secretaries, via video conference today.

The two-day conference is being hosted by the Ministry of Law & Justice at Ekta Nagar, Gujarat. pic.twitter.com/LQPhA4FSAp

— ANI (@ANI) October 15, 2022

જોકે રાજકોટમાં યોજાનાર PM મોદીનો રોડ શોમાં થોડોક ફેરફાર કરાયો છે. PM મોદીનો રોડશો હવે લંબાવાયો છે. આગામી 19 ઓક્ટોબરે PM મોદી ગુજરાત પ્રવાસે આવવાના છે ત્યારે અહીં તેઓ રોડ શો કરશે. જેમાં પ્રથમ રોડ શો એરપોર્ટથી શાસ્ત્રી મેદાન સુધી યોજાશે. જ્યારે શાસ્ત્રી મેદાનથી ફરી રોડ શો શરૂ થઈને રેસકોર્સ સુધી યોજાશે. આ રેસકોર્ષ મેદાનમાં PM મોદી જાહેર સભાને સંબોધશે.

19 ઓક્ટોબરના રોજ PM મોદી આવશે રાજકોટની મુલાકાતે

19 ઓક્ટોબરના રોજ PM મોદી રાજકોટની મુલાકાતે આવશે. અહીં તેઓ 6 હજાર કરોડના કાર્યક્રમોનું લોકાર્પણ કરશે. જેમાં 3 ઓવરબ્રિજ, લાઈટ હાઉસ હાઉસિંગ પ્રોજેક્ટનું લોકાર્પણ કરશે. એરપોર્ટથી રેસકોર્સ સભામંડપ સુધી રોડ-શો યોજાશે. રેસકોર્ષમાં 1.5 લાખ લોકો એકત્ર થવાનો અંદાજ છે.