Lok Sabha Election 2024 : વારાણસી લોકસભા બેઠક માટે સાતમા તબક્કામાં 1 જૂને મતદાન થશે. જ્યારે રાજનાથ સિંહની લખનઉ લોકસભા બેઠક પર 20 મેના રોજ મતદાન થશે
Share
Lok Sabha Election 2024 : લોકસભા ચૂંટણી 2024ની માટેની જાહેરાત થઈ ગઈ છે. 19 એપ્રિલથી 1 જૂન વચ્ચે 7 તબક્કામાં મતદાન થશે અને પરિણામ 4 જૂને જાહેર કરવામાં આવશે. મુખ્ય ચૂંટણી કમિશનર રાજીવ કુમારે આજે બંને કમિશનર જ્ઞાનેશ કુમાર અને સુખબીર સિંહ સંધુની હાજરીમાં આ માહિતી આપી હતી. દેશની તમામ 543 લોકસભા બેઠકો તેમજ સિક્કિમ, અરુણાચલ પ્રદેશ, ઓડિશા અને આંધ્ર પ્રદેશમાં વિધાનસભાની ચૂંટણીઓ અને વિવિધ રાજ્યોની વિધાનસભાઓમાં ખાલી પડેલી 26 બેઠકો માટેની પેટાચૂંટણીઓનું કાર્યક્રમ પણ જાહેર કરવામાં આવ્યું છે. આપને જણાવીએ કે, વડાપ્રધાન નરેન્દ્ર મોદી અને ગૃહમંત્રી અમિત શાહ જેવા સત્તાધારી પક્ષના વરિષ્ઠ નેતાઓની લોકસભા બેઠકો પર ક્યારે મતદાન થવાનું છે ?, વિગતે જાણીએ.
ફાઈલ તસવીર
ગુજરાતમાં 7 મેના રોજ મતદાન થશે
સૌથી પહેલા વાત કરીએ પ્રધાનમંત્રી નરેન્દ્ર મોદીની લોકસભા બેઠક વારાણસીની. તો ચૂંટણી પંચના જણાવ્યા અનુસાર વારાણસી લોકસભા સીટ માટે સાતમા તબક્કામાં 1 જૂને મતદાન થશે. જ્યારે રાજનાથ સિંહની લખનઉ લોકસભા સીટની વાત કરીએ તો અહીં 20 મેના રોજ પાંચમા તબક્કામાં મતદાન થશે. ચૂંટણી આયોગના જણાવ્યા મુજબ ગુજરાતમાં 7 મેના રોજ મતદાન થશે. રાજ્યમાં લોકસભાની 26 બેઠકો માટે ચૂંટણી પંચે સમગ્ર કાર્યક્રમ જાહેર કરી દીધો છે ત્યારે આદર્શ આચાર સંહિતા પણ લાગી ગઈ છે. જણાવીએ કે, અમિત શાહ ગાંધીનગર બેઠક પરથી ચૂંટણી લડશે. અહીં 7 મેના રોજ મતદાન થવાનું છે.
નીતિન ગડકરીની બેઠક પર ક્યારે મતદાન થશે?
મહારાષ્ટ્રમાં લોકસભાની 48 બેઠકો માટે 5માં તબક્કામાં ચૂંટણી યોજાશે. અહીં પ્રથમ તબક્કાનું મતદાન 19મી એપ્રિલે જ્યારે બીજા તબક્કાનું મતદાન 26મીએ અને ત્રીજા તબક્કાનું મતદાન 7મી મેના રોજ તો ચોથા તબક્કાનું અને 5માં તબક્કાનું મતદાન 13 અને 20મી મેના રોજ થશે. ત્યારે નીતિન ગડકરીની નાગપુર સીટ માટે 19 એપ્રિલે મતદાન થશે.
મનોહર લાલ ખટ્ટરની બેઠક પર ક્યારે મતદાન થશે
મધ્યપ્રદેશની 29 લોકસભા સીટો પર 4થા તબક્કામાં મતદાન થશે. અહીં 26 એપ્રિલથી 1 જૂન વચ્ચે મતદાન થશે. શિવરાજ સિંહ ચૌહાણની વિદિશા લોકસભા સીટ માટે 7 મેના રોજ મતદાન થવાનું છે. હરિયાણામાં 10 લોકસભા સીટો પર છઠ્ઠા તબક્કામાં મતદાન થશે. આ રીતે મનોહર લાલ ખટ્ટરની કરનાલ સીટ પર 25 મેના રોજ મતદાન થવાનું છે.
