- બિહારના પૂર્વીય ચંપારણમાં એક પતિએ દહેજમાં ભેંસ માંગી હતી
- ભેંસ ન મળતા તેણે પોતાની જ પત્નીની હત્યા કરી નાખી હતી
- મૃતક યુવતી અમૃતા કુમારી તરીકે ઓળખ કરવામાં આવી હતી
દહેજમાં કાર, બાઇક અમે પૈસા માંગવામાં આવ્યા હોવાના કિસ્સા તમે કદાચ સાંભળ્યા કે જોયા હશે. પણ બિહારના પૂર્વીય ચંપારણ જિલ્લાના કુંડવા ચેનપુર વિસ્તારમાં ખરુહા ગામમાં એક પતિ જેણે દહેજમાં ભેંસ માંગી હતી. અને દહેજમાં ભેંસ તેને ન મળતા તે પોતે જ જાનવર જેવો બની ગયો હતો.
દહેજમાં ભેંસ ન મળી એમાં તો...
દહેજના ભૂખ્યા આ પતિને ભેંસ દહેજમાં ન મળતા તેણે પોતાની જ વિવાહિત પત્નીની ચાકુ ભોંકીને હત્યા કરી નાખી હતી. મૃતક યુવતીની ઓળખ 24 વર્ષીય અમૃતા કુમારી તરીકે કરવામાં આવી છે જે કુંડવા ચૈનપુર નિવાસી નન્હક સિંહની દીકરી હતી.
બે નાનાં બાળકોએ માં ગુમાવી
અમૃતાના લગ્ન ચાર વર્ષ પહેલા 2018માં કુંડવા ચેનપુર પોલીસ સ્ટેશન વિસ્તારના ખારુહાના રહેવાસી બૈદ્યનાથ સિંહના પુત્ર દરોગા સિંહ સાથે થયા હતા. મૃતક અમૃતાને સંતાનમાં બે પુત્રી અને એક પુત્ર છે. બધા બાળકો હજુ નાના છે.
સવારે કોઈ પાડોશી પાસેથી માહિતી મેળવીને નન્હક સિંહ જ્યારે પુત્રીના સાસરે પહોંચ્યો ત્યારે રૂમમાં પુત્રીની વિકૃત લાશ જોઈ તેના પગ નીચેથી જમીન સરકી ગઈ હતી.
છરી વડે ગરદન અને પેટ ચીરી નાખ્યા
સમયે મૃતકના બાળકો મૃતદેહ પાસે બેસીને રડતા હતા. હત્યારાએ છરી વડે ગરદન અને પેટ ચીરી નાખ્યા હતા. ઘટના બાદ તમામ આરોપીઓ ઘર છોડીને ફરાર છે. ઘટનાની માહિતી મળતાં જ કુંડવા ચેનપુર પોલીસ ઘટનાસ્થળે પહોંચી હતી અને મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો હતો. ઘટનાની પુષ્ટિ કરતા એસએચઓ રમણ કુમારે કહ્યું કે મૃતકના પિતાના નિવેદન પર FIR નોંધ્યા બાદ આરોપીઓની ધરપકડ માટે શોધખોળ કરવામાં આવી રહી છે.
