એલર્ટ / જૂનાગઢવાસીઓ સાચવજો: છેલ્લાં 1 મહિનામાં આ બીમારીએ સિવિલમાં ભરડો લીધો, નોંધાયા 150થી વધુ કેસ

• જૂનાગઢમાં રોગચાળો વકર્યો
• ઝાડા-ઉલ્ટીના કેસમાં વધારો
• 1 મહિનમાં ઝાડા-ઉલ્ટીના 150થી વધુ કેસ નોંધાયા

રાજ્યના વિવિધ વિસ્તારોમાં મિશ્ર ઋતુના કારણે બીમારીએ માઝા મૂકી છે ત્યારે જૂનાગઢમાં ઘણાં લાંબા સમયથી મિશ્ર ઋતુ જોવા મળી રહી છે ત્યારે શહેરમાં બપોર સુધી ગરમી પ્રકોપ બતાવી રહી છે અને બપોર બાદ અચાનક વાદળ છાયું વાતાવરણ જોવા મળી રહ્યો છે અને જેની સીધી અસર લોકોના સ્વાસ્થ્ય ઉપર પણ પડી રહી છે.

બહારનો ખોરાક ન લેવા તબીબે આપી સલાહ
છેલ્લા એક મહિનાની વાત કરવામાં આવે તો જૂનાગઢ સિવિલ હોસ્પિટલમાં ઝાડા ઉલટીના 150થી વધુ કેસ નોંધાયા છે. જે મામલે જૂનાગઢ સિવિલ હોસ્પિટલના તંત્ર દ્વારા જણાવવામાં આવ્યું હતું કે, શહેરમાં મિશ્ર ઋતુના કારણે હાલ રોગચાળો વકરી રહ્યો છે અને લોકોએ પોતાના સ્વાસ્થ્યની જાળવણી માટે કેટલીક સામન્ય બાબતોનું ધ્યાન રાખવું અતિ આવશ્યક છે. બને ત્યાં સુધી બહારનો અખાદ્ય ખોરાક લેવાનું ટાળવાનું ડોક્ટર દ્વારા સૂચનો આપવામાં આવ્યા છે. 

આરોગ્ય તંત્ર એલર્ટ
આરોગ્ય તંત્રએ આ ઉપરાંત એ પણ જણાવ્યું હતું કે, આ પ્રકારના રોગની સારવાર માટે જરૂરી દવાઓનો જથ્થો હોસ્પિટલ પાસે પૂરતા પ્રમાણમાં ઉપલબ્ધ છે પરંતુ અત્રે મહત્વનું છે કે જૂનાગઢ સિવિલ હોસ્પિટલ ન માત્ર જૂનાગઢ પુરતી પરંતુ સમગ્ર સૌરાષ્ઠવાસીઓ માટે ઉપયોગી થઈ રહી છે