ધમધોકાર આગાહી / વધુ આગામી 4 દિવસ મેઘરાજા ગુજરાતને ધમરોળશે, આજેય 26 તાલુકાઓમાં વરસાદ ત્રાટકશે

• રાજ્યામાં વરસાદને લઇ હવામાન વિભાગની આગાહી 
• આગામી 4 દિવસા રાજ્યમા વરસાદની આગાહી 
• આજે 26 તાલુકાઓમાં વરસાદની આગાહી 

રાજ્યમાં વરસાદને લઈ હવામાન વિભાગ દ્વારા આગાહી કરાઈ છે. ત્યારે આગામી 4 દિવસ રાજ્યમાં વરસાદ પડવાની સંભાવનાં છે. તેમજ આજે 26 તાલુકાઓમાં વરસાદની આગાહી કરવામાં આવી છે.  જેમાં સૌરાષ્ટ્રનાં ગીર સોમનાથ, ભાવનગર, જૂનાગઢમાં વરસાદની આગાહી કરવામાં આવી છે. તેમજ દક્ષિણ ગુજરાતનાં પણ અનેક વિસ્તારોમાં વરસાદની આગાહી કરવામાં આવી છે. જેમાં સુરત, ભરૂચ,  તાપી, વલસાડ, નવસારીમાં વરસાદની આગાહી કરવામાં આવી છે. તે ઉપરાંત વડોદરા, આણંદ, અમદાવાદ, ખેડા, ગાંધીનગર, સાબરકાંઠા, મહેસાણામાં પણ હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે.

સૌથી વધુ નવસારીના ચીખલીમાં 2 ઇંચ વરસાદ નોંધાયો 
રાજ્યમાં છેલ્લા 24 કલાકમાં 20 તાલુકામાં વરસાદ નોંધાયો છે. જેમાં સૌથી વધુ વરસાદન નવસારીનાં ચીખલીમાં 2 ઈંચ નોંધયો છે. જ્યારે તાપીનાં નિઝરમાં 1.3 ઈંચ વરસાદ નોંધાયો છે. આગામી 4 દિવસ હવામાન વિભાગની વરસાદી આગાહી છે. 

સિઝનનો 100% વરસાદ નોંધાયો
રાજ્યમાં તાજેતરમાં પડેલ વરસાદને કારણે ગુજરાતમાં સિઝનનો 100% વરસાદ નોંધાયો છે. એવામાં આજે પણ રાજ્યમાં વરસાદની આગાહી કરવામાં આવી છે. આજે રાજ્યનાં 26 તાલુકાઓમાં વરસાદની આગાહી છે. તેમજ સૌરાષ્ટ્રમાં વરસાદની સંભાવના છે. સાથે મધ્ય-દક્ષિણ અને ઉત્તર ગુજરાતમાં પણ વરસાદની શક્યતા છે.