મદદ / મોરારિ બાપુએ ચીન સાથે અથડામણમાં શહીદ થયેલા 20 જવાનોના પરિવારજનોને 1-1 લાખની સહાયની કરી જાહેરાત

• ભારત-ચીન અથડામણમાં શહીદ થયેલા જવાનોની વ્હારે આવ્યા મોરારી બાપુના શ્રોતા
• દરેક જવાનના પરિવારજનોને કરશે 1-1 લાખની મદદ

મોરારીબાપુના શ્રોતા દ્વારા આ તમામ રકમ શહીદોના પરિવારજનોના બેંક એકાઉન્ટમાં જમા કરાવવામાં આવશે. તેવી વાત પણ કરવામાં આવી હતી. અત્રે ઉલ્લેખનીય છે કે થોડા દિવસ અગાઉ ભારત અને ચીન વચ્ચે હિંસક અથડામણ થઇ હતી જેમાં ભારતના 20 જવાનો શહીદ થયા છે. 

કોરોના વોરિયર્સ માટે જાહેર કર્યા હતા 1 કરોડ રૂપિયા 

સમગ્ર વિશ્વમાં કોરોના વાયરસે હાહાકાર મચાવ્યો છે ત્યારે ગુજરાતના જાણીતા કથાકાર મોરારીબાપુના શ્રોતાએ અગાઉ પ્રધાનમંત્રી રાહત ફંડમાં રૂપિયા 1 કરોડનું દાન આપ્યું છે. ઉલ્લેખનીય છે કે, કોરોના વાયરસના ગંભીર સંકટ સામે આજે વિશ્વ લડી રહ્યું છે. ભારત દેશ પણ આ સંકટનો સામનો કરી રહ્યો છે. દેશને આવી પડેલી આફતમાંથી ઉગારવા માટે અનેક લોકો મદદ આવી રહ્યા છે. ત્યારે જાણીતા કથાકાર મોરારીબાપુના શ્રોતાએ મોટું દાન જાહેર કર્યું છે. કોરોના વાયરસને લઈ રૂપિયા એક કરોડનું દાન પ્રધાનમંત્રી રાહત ફંડમાં દાન આપ્યું છે. મોરારીબાપુના શ્રોતાના આ ઉમદા કામને લઈ ચારે બાજુ તેમની પ્રશંસા થઈ રહી છે.