શું થયું હશે? / ઓક્સિજન પૂરો થાય તે પહેલા પણ ટાઈટન સબમરીનમાં સવાર લોકોના થઈ શકે છે દર્દનાક મોત, એક્સપર્ટે જણાવી આશંકાઓ

• રવિવારથી એટલાન્ટિક મહાસાગરમાં ગુમ થઈ છે સબમરીન
• ટાઈટન સબમરીનમાં સવાર છે પાંચ લોકો
• ઓક્સિજન પૂરું થવાને લીધે મૃત્યુ પામી શકે છે તેમા સવાર લોકો

Missing Submarine: સમુદ્રમાં ગુમ થઈ ગયેલ પ્રખ્યાત ટાઈટન સબમરીનને સતત શોધવામાં આવી રહી છે. અત્રે ઉલ્લેખનીય છે કે આ સબમરીન એટલાન્ટિક મહાસાગરમાં રવિવારથી ગુમ થઈ ગઈ છે.અમેરિકી અને કનાડાઈ કોસ્ટ ગાર્ડની સાથે-સાથે ઘણાં દેશોની ટીમ આ સબમરીનને શોધી રહી છે. આ ટાઈટનમાં 5 લોકો શામેલ છે જેમાં બ્રિટિશ અરબપતિ હામિશ હાર્ડિંગ અને પાકિસ્તાની ટાઈકૂન શહઝાદા દાઉદ અને તેનો પુત્ર પણ છે.

તમામ લોકો મૃત્યુ પામી શકે છે
રિપોર્ટમાં આશંકા વ્યક્ત કરવામાં આવી રહી છે કે આ સબમરીનમાં ઓક્સિજન સમાપ્ત થઈ ગયું છે. આ સાથે જ ચાલકદળ પાસે વધુ સમય સુધી ચાલી શકે તેટલું રાશન પણ ઉપલબ્ધ નથી. આ કારણોસર જો તાત્કાલિક આ ટાઈટન નહીં મળે તો તેમાં હાજર તમામ લોકો મૃત્યુ પામી શકે છે. એક્સપર્ટસ્ કહે છે કે આ સબમરીનમાં ઓક્સિજન કેટલા સમય સુધી તમામ લોકોને બચાવીને રાખી શકે છે તેનો અંદાજો લગાવવો મુશ્કેલ છે.

ગુમ થઈ તે પહેલાં જ મૃત્યુ પામ્યા હશે- સિંક્લેયર
રોયલ નેવીનાં અનુભવી ડ્રાઈવર સિંક્લેયર કહે છે કે આ સબમરીન ગુમ થઈ તે પહેલાં જ તેમાં સવાર પાંચેય લોકો મૃત્યુ પામ્યાં હશે. તેમણે કહ્યું કે ટાઈટન સબમરીનમાં સવાર લોકોનું સંભવત: ગુમ થયાનાં થોડા જ કલાકોમાં કાર્બનહાઈ-ઓક્સાઈડ પોઈઝનિંગને લીધે મૃત્યુ થઈ ગયું હશે.

'ઝેરી ગેસ તેમનાં ફેફસામાં ભરાવા લાગે છે'
સિંક્લેયરે કહ્યું કે, ' આ સબમરીનમાં બેટરીઓ લાગેલી હોય છે જેની લાઈફ ઘણી ઓછી હોય છે. તેમાં CO2 સ્ક્રબર હોય છે. જ્યારે આ બેટરી પૂરી થાય છે ત્યારે સબમરીનમાં ઓક્સિજન પૂરું થવાથી પહેલા જ કાર્બન હાઈ ઓક્સાઈડની માત્રા વધી જાય છે. જેના લીધે લોકો ગુંગળામણનાં કારણે મૃત્યુ પામી શકે છે. આ થવાનું કારણ છે કે ઝેરી ગેસ તેમનાં ફેફસામાં ભરાવા લાગે છે.તેમણે કહ્યું કે જ્યારે ગેસ સબમરીનમાં ભરાશે ત્યારે તેમને નીંદર આવી જશે અને છેલ્લે તે બેભાન થઈ જશે. સબમરીનમાં CO2 નિકળવાની કોઈ જગ્યા નથી હોતી. મને ભય છે કે તેઓ સબમરીનમાં ઓક્સિજન પૂરું થાય તે પહેલાં જ મૃત્યુ ન પામ્યાં હોય..'