મહામારી / મુંબઈ હાઈકોર્ટનો મોદી સરકારને સવાલ : દેશના 40 ટકા કેસ મહારાષ્ટ્રમાં છે તો પછી તેમના માટે આવું કેમ

• બોમ્બે હાઈકોર્ટે રેમડેસિવિરની અછતની નોંધ લીધી 
• દેશમાં 40 ટકા કોરોના કેસ મહારાષ્ટ્રમાં 
• મહારાષ્ટ્રને સૌથી વધારે રેમડેસિવિર ઈન્જેક્સન મળવા જોઈએ

મહારાષ્ટ્રમાં દેશના 40 ટકા કોરોના કેસો 
બોમ્બે હાઈકોર્ટની નાગપુર ખંડપીઠે કેન્દ્ર સરકાર પાસેથી એવું જાણવા માંગ્યું કે દેશમાં મહારાષ્ટ્ર એક જ એવું રાજ્ય છે કે જ્યાં કોરોનાના 40 ટકા કેસો છે તો પછી પછી રાજ્યોને કયા આધારે રેમડેસિવિર દવાનું વિતરણ કરાઈ રહ્યું છે. કોર્ટે કહ્યું કે મહારાષ્ટ્રમાં કોરોનાના 40 ટકા કેસો છે અને તેથી તેને તે પ્રમાણે રેમડેસિવિરનું વિતરણ થવું જોઈએ. 

બોમ્બે હાઈકોર્ટે મહારાષ્ટ્ર-કેન્દ્ર સરકારને ફટકાર લગાવી 

બોમ્બે હાઈકોર્ટે મહારાષ્ટ્ર સરકારને પણ ફટકાર લગાવી. કોર્ટે કહ્યું કે જિલ્લામાં મનમાની રીતે રેમડેસિવિર અપાઈ રહી છે. મહારાષ્ટ્ર સરકારે 13 એપ્રિલ અને 18 એપ્રિલે નાગપુરમાં રેમડેસિવિરની એક શીશી પણ કેમ ન મોકલી.આ કેસના પક્ષકારે કોર્ટને જણાવ્યું કે મહારાષ્ટ્રમાં કોરોનાના વધી રહેલા કેસોને ધ્યાનમાં રાખીને 30 ટકા રેમડેસિવિર દવા રાજ્યને મળવા જોઈએ.

કોર્ટે કહ્યું કે કોરોનાથી હાલત સૌથી ખરાબ બની છે. જીવન રક્ષક દવાઓથી અછત છે. ઓક્સિજનનો પૂરતો સપ્લાય થતો નથી. મેડિકલ અને પેરામેડિકલ સ્ટાફ પણ ઘણો ઓછો છે. નાગપુરમાં કોરોનાના મજબૂત વેરિએન્ટ સામે આવી રહ્યાં છે. 

સરકાર કંપનીઓને નિર્દેશ આપી શકે 

કોર્ટે કહ્યું કે અમે એફડીએનો જોઈન્ટ ડિરેક્ટર સાથે બેઠક કરી છે. આવું એટલા માટે કરાઈ રહ્યું છે કે રાજ્યની સમિતિ રેમડેસિવિરની સાચી ફાળવણી કરી રહી નથી.7 કંપનીઓ દેશમાં રેમડેસિવિરનો સપ્લાય પૂરો પાડી રહી છે.કંપનીઓએ એ શહેરોને વધારે દવા આપવી જોઈએ કે જ્યાં કોરોનાના સૌથી વધારે દર્દીઓ છે. નાગપુર એવા શહેરમાં સામેલ છે. તેને માટે સરકાર તેને ઓર્ડર આપી શકે છે.