- મહારાષ્ટ્રમાં સરકારને લઇ ઘમાસાણ યથાવત
- અજીત પવારે મહારાષ્ટ્રના નાયબ મુખ્યમંત્રી પદેથી આપ્યું રાજીનામું
- પાંચ વર્ષ સુધી ઉદ્ધવ ઠાકરે રહેશે મુખ્યમંત્રી
અમારી પાસે બહુમત રહી નથી, હું રાજીનામું આપું છું : દેવેન્દ્ર ફડણવીસ
પત્રકાર પરિષદને સંબોધન કરતી વખતે ફડણવીસે ભાજપ અને શિવસેનાને મળેલી બહુમતિનો ઉલ્લેખ કર્યો હતો. જો કે, પરિણામ બાદ શિવસેનાના બદલાયેલા વલણની પણ તેમણે વાત કરી હતી અને અંતે ભાજપ પાસે બહુમત નહીં હોવાનું જણાવીને મુખ્યમંત્રી પદેથી રાજીનામું ધરી દીધું હતું.
અજીત પવારે મને રાજીનામું સોંપ્યું હતું: ફડણવીસ
દેવેન્દ્ર ફડણવીસ દેવેન્દ્ર ફડણવીસે કહ્યું કે અજિત પવારે કહ્યું કે અમે સરકાર રચવા માટે તમારો ટેકો આપીશું, જેથી સ્થિર સરકારની રચના થઈ શકે. પરંતુ જ્યારે બહુમતી સાબિત કરવાની વાત આવી ત્યારે અજિત પવાર મને મળ્યા અને કહ્યું કે હું મહાગઠબંધન ચાલુ રાખી શકતો નથી અને અલગ થવાની વાત કરું છું. તેમણે કહ્યું કે હવે આપણી પાસે બહુમતી નથી.
પરિણામો જોઇને શિવસેનાએ વલણ બદલ્યું
દેવેન્દ્ર ફડણવીસે પ્રેસ કોન્ફરન્સ યોજી હતી .જેમાં ફડણવીસે કહ્યું કે મહારાષ્ટ્રની જનતાએ શિવસેના-ભાજપને બહુમતી આપી હતી, પરંતુ પરિણામો બાદ શિવસેનાએ પોતાનું વલણ બદલ્યું હતું. અમે ક્યારેય અઢી વર્ષની ફોર્મ્યુલાનું વચન આપ્યું નથી, અમિત શાહે સ્પષ્ટ કરી દીધું હતું કે મુખ્યમંત્રી ભાજપના હશે. બેઠકો જોઇને શિવસેનાએ પોતાનું વલણ બદલી નાખ્યું હતું, અમારી સાથે વાત કરવાને બદલે કોંગ્રેસ-એનસીપી સાથે વાત કરી હતી.
ઉદ્ધવ ઠાકરે 5 વર્ષ સુધી મુખ્યમંત્રી
મહારાષ્ટ્રમાં રાજકીય હંગામો વચ્ચે સંજય રાઉતે જાહેરાત કરી છે કે આજે સાંજે ઉદ્ધવ ઠાકરે નેતા તરીકે ચૂંટવામાં આવશે. ઉદ્ધવ ઠાકરે પાંચ વર્ષ માટે મુખ્યમંત્રી રહેશે. આ સિવાય તેમણે કહ્યું કે અજિત પવાર અમારી સાથે છે.
અજીત પવારે આપ્યું રાજીનામું
અજિત પવારે મહારાષ્ટ્રના નાયબ મુખ્ય પ્રધાનપદેથી રાજીનામું આપી દીધું છે, ભારતીય જનતા પાર્ટી દ્વારા પણ પુષ્ટિ કરવામાં આવી છે કે અજિત પવારે રાજીનામું આપ્યું છે. તે જ સમયે, દેવેન્દ્ર ફડણવીસ પણ થોડા સમયમાં રાજીનામાની ઘોષણા કરી શકે છે.
જણાવી દઈએ કે શનિવારે અજિત પવારે દેવેન્દ્ર ફડણવીસ સાથે શપથ લીધા હતા, પરંતુ તેમણે હજી સુધી નાયબ મુખ્ય પ્રધાન પદ સંભાળ્યું ન હતું. આવી સ્થિતિમાં તેમણે ચાર્જ સંભાળતા પહેલા રાજીનામું આપી દીધું છે. અજિત પવારને મનાવવા એનસીપીના નેતાઓ દ્વારા સતત પ્રયાસો કરવામાં આવી રહ્યા છે.
મોદી અને અમિત શાહ વચ્ચે મહારાષ્ટ્ર મામલે બેઠક
મુંબઈથી દિલ્હી સુધી મહારાષ્ટ્રને લગતી રાજકીય હલચલ તીવ્ર બની છે. સુપ્રીમ કોર્ટે બુધવારે સાંજે પાંચ વાગ્યા સુધી ફ્લોર ટેસ્ટ કરવાનો આદેશ આપ્યો છે, ત્યારબાદ તમામ રાજકીય પક્ષો સક્રિય થઈ ગયા છે. દિલ્હીમાં પણ મંગળવારે વડા પ્રધાન નરેન્દ્ર મોદીએ આ મામલે ભાજપ અધ્યક્ષ અને ગૃહ પ્રધાન અમિત શાહ સાથે બેઠક યોજી હતી.
મહારાષ્ટ્ર બાબતે આ બેઠકમાં પીએમ મોદી, અમિત શાહ ઉપરાંત ભાજપના કાર્યકારી પ્રમુખ જેપી નડ્ડા પણ હાજર છે. જણાવી દઈએ કે હવે ભારતીય જનતા પાર્ટીની સામે બહુમતી સાબિત કરવાનો પડકાર છે.
અજીત પવારે શરદ પવાર સાથે મુલાકાત કરી
NCP પ્રમુખ શરદ પવાર અને અજિત પવાર વચ્ચે મુલાકાત થઇ. સૂત્રોના જણાવ્યા અનુસાર આ દરમિયાન અજિત પવારને શરદ પવારે જણાવ્યું કે માફી આપવામાં આવી છે હવે પરત આવી જાવ. એટલું જ નહીં શરદ પવારે અજિત પવારને કહ્યું કે રાજીનામું આપો અથા આવતીકાલે વિધાનસભામાંથી બહા રહો.
