મધ્યપ્રદેશ / મધ્ય પ્રદેશથી માઠા સમાચાર: નામીબિયાથી કૂનોમાં આવેલા 10માં ચિત્તાનું મોત, આજે શૌર્યએ તોડ્યો દમ

• કૂનો નેશનલ પાર્કથી આવ્યાં માઠા સમાચાર
• સવા ત્રણ વાગ્યા આસપાસ વધુ એક ચિત્તાનું મોત
• હજુ સુધી 10 ચિત્તાઓનું મોત થઈ ગયું છે

કૂનો નેશનલ પાર્કથી વધુ એક માઠા સમાચાર સામે આવ્યાં છે. લૉયન પ્રોજેક્ટનાં ડાયરેક્ટરે જણાવ્યું કે આજે આશરે સવા ત્રણ વાગ્યે ચિત્તા શૌર્યનું મોત થયું છે. પોસ્ટમોર્ટમ રિપોર્ટ બાદ મોતનાં કારણ અંગે ખુલાસો થશે. હજુ સુધી દસ ચિત્તાનું મોત થઈ ગયું છે જેમાં 7 ચિત્તા અને ત્રણ બાળ ચિત્તા સામેલ છે. નામીબિયાથી ભારત આવેલા એક વર્ષમાં ચિત્તા શૌર્ય સહિત કુલ 10 ચિત્તા મોતને ભેટી ચૂક્યાં છે. 

APCCF અને ડાયરેક્ટર લાયન પ્રોજેક્ટે જણાવ્યું "આજે 16મી જાન્યુઆરી, 2024 ના રોજ બપોરે 3:17 વાગ્યે નામીબિયાના ચિતા શૌર્યનું મૃત્યુ થયું. સવારે 11 વાગ્યાની આસપાસ  ટ્રેકિંગ ટીમે નોટિસ કર્યું કે ચિત્તાની તબિયત ખરાબ થતી દેખાઈ  અને ચાલ પણ અલગ જોવા મળી હતી જે બાદ તેને શાંત કરવામાં આવ્યું હતું. ચિત્તો બેભાન થઈ ગયો અને તેને CPR આપીને પુનર્જીવિત કરવામાં આવ્યો હતું પરંતુ આ બાદ તેનાં સ્વાસ્થયમાં જટિલતાઓ વધી  ગઈ અને તે મૃત્યુ પામ્યો. "
 

વધુ વાંચો: સસ્તી પર્સનલ લોન લેવા માટે ફક્ત 15 દિવસનો સમય, ફેબ્રુઆરીમાં વધી જશે રેટ, RBIએ લીધો નિર્ણય

1952માં ચિત્તાઓને ભારતમાં લુપ્ત જાહેર કરી દેવામાં આવ્યા હતા. આ બાદ ચિત્તાઓને 2022માં ફરીથી કૂનો નેશનલ પાર્કમાં લાવવામાં આવ્યા. ચિત્તાઓને બે બેચમાં આયાત કરવામાં આવ્યા હતા - 2022માં નામિબિયા અને 2023માં દક્ષિણ આફ્રિકાથી. છેલ્લાં એક વર્ષમાં આ દસમા ચિત્તાનું મૃત્યુ નોંધાયું છે. શક્ય છે કે વાતાવરણ બદલાયું હોવાને લીધે આ ચિત્તાઓનાં મોત થતાં હોય.