Lunar Eclipse 2023 / ભલે શરદ પૂનમ છે, ભૂલથી પણ ચંદ્રને ન જોતાં! નહીંતર ભારે પડશે, આ ચાર રાશિના જાતકોએ કરવું પડશે નિયમોનું પાલન

• પૂનમે પણ ચંદ્રને ન જોતા 
• નહીં તો થઈ શકે છે મોટુ નુકસાન 
• આ 4 રાશિના લોકો માટે ચંદ્ર ગ્રહણ ભારે 

28 ઓક્ટોબરે પૂર્ણિમાના દિવસે આવી રહેલા ખંડગ્રાસ ચંદ્રગ્રહણને લઈને ભારતના લોકોને સાવધાન રહેવું જોઈએ. આ ચંદ્ર ગ્રહણ ભારત સહિત અમુક અન્ય દેશોમાં જોવા મળશે. અશ્વિન મહિનાના શુક્લ પક્ષની પુનમ 28 ઓક્ટોબરે છે અને આજ રાત્રે ચંદ્ર ગ્રહણ અશ્વિની નક્ષત્ર અને મેષ રાશિમાં લાગશે. આ ગ્રહણ ભારત ઉપરાંત એશિયા, યુરોપ, આફ્રીકા, પશ્ચિમ દક્ષિણ પ્રશાંત મહાસાગર, અમેરિકાના પૂર્વી ભાગ, એટલાંટિક મહાસાગર અને હિંદ મહાસાગમાં જોવા મળશે. 

આ સમયથી લાગશે સૂતક કાળ 
ભારતીય સમય અનુસાર ચંદ્ર ગ્રહણની છાયાનો પ્રવેશ રાત્રે 11.32 વાગ્યે થશે, સ્પર્શ રાત્રે 1.05 વાગ્યે, ગ્રહણનું મધ્ય રાત્રે 1.44 મોક્ષ રાત્રે 2.23 અને છાયાનું નિર્ગમ રાત્રે 3.56એ થશે. ભારતમાં આ ગ્રહણ દેખાવવાના કારણે સૂતક કાળ 4.05થી પ્રારંભ થઈ જશે. જે ભાગમાં આ ગ્રહણ દેખાશે ત્યાં વેધ, સૂતક, સ્નાન, દાન પુણ્ય, કર્મ વગેરે નિયમ પાળવામાં આવશે. 

ચંદ્ર ગ્રહણ મેષ, કન્યા અને મકર રાશિના લોકો માટે અશુભ તથા કષ્ટદાયી રહેશે જ્યાંરે વૃષભ, સિંહ, તુલા, ધન અને મીન માટે સામાન્ય રહેશે. ત્યાં જ મિથુન, કર્ક, વૃશ્ચિક અને કુંભ રાશિના લોકો માટે શુભ રહેશે. એવામાં જે રાશિના લોકો માટે ગ્રહણનો પ્રભાવ અશુભ છે તેમને ભૂલથી પણ કાલે ચંદ્ર ન જોવો. સાથે જ ગ્રહણ વખતે બહાર ન નિકળવું. 

ગ્રહણમાં આ નિયમોનું કરો પાલન 
ગ્રહણ સમયે ગર્ભવતી મહિલાઓને ખાસ એલર્ટ રહેવું જોઈએ. સુતક પ્રારંભ થતા જ મેષ રાશિના લોકોને ધ્યાન રાખવું પડશે કે ગ્રહણની સમાપ્તિ સુધી કંઈ પણ ન ખાય. તેમણે આ સમયે ઉપવાસ કરવો પડશે અને ગ્રહણ પુરૂ થયા બાદ તેમને દાન જરૂર કરવું. કારણ કે તે ગ્રહણ મેષ રાશિમાં જ લાગી રહ્યું છે અને આ રાશિના જાતકો પર નકારાત્મક પ્રભાવ કરશે. 

આ ઉપરાંત ગ્રહણ કાળમાં ભગવાન શ્રી રામ, કૃષ્ણ, હનુમાનજી વગેરે જે પણ ઈષ્ટદેવ છે તેમના મંત્રનો જાપ કરો. તેના માટે પણ તમને એકાંતમાં બેસી અને માથા પર કપડુ ઢાંકી બેસવું પડશે. ગ્રહણ કાળમાં કોઈ મૂર્તિને સ્પર્શ ન કરવી. જો તમે કોઈ મંત્ર નથી જાણતા તો ફક્ત નામનો જાપ કરો. જાપ સમાપ્ત થયા બાદ પહેરેલા કપડાં સબિત સ્નાન કરો એટલે કે પહેલા બધા કપડા ભીના કરો અને પછી સ્નાન કરો. ત્યાર બાદ જ દાનકર્મ અને ભોજન કરો.