ઉત્તર પ્રદેશના ઈટાવા જિલ્લામાં ભગવાન શંકરના ભવ્ય મંદિરનું નિર્માણ થઈ રહ્યું છે. આ મંદિર અખિલેશ યાદવ બનાવી રહ્યા છે. સફારીની સામે લગભગ 10 વીઘામાં આ કેદારેશ્વર મંદિર તૈયાર થઈ રહ્યું છે. તેનું કામ ખૂબ જ ઝડપથી ચાલી રહ્યું છે. એવી આશા છે કે આ મંદિર વર્ષ 2025માં તૈયાર થઈ જશે અને ભક્તો દર્શન માટે આવી શકશે. મંદિરના ગર્ભગૃહમાં સ્થાપિત થનારો પથ્થર નેપાળથી લાવવામાં આવ્યો છે.
મંદિર એક-બે વર્ષમાં તૈયાર થઈ જશે
એક ચેનલના ઈન્ટરવ્યુમાં સમાજવાદી પાર્ટીના વડા અખિલેશ યાદવે કહ્યું કે મંદિર એક-બે વર્ષમાં તૈયાર થઈ જશે. તેમણે એમ પણ કહ્યું કે લોકો મંદિરના નિર્માણ માટે ઉદાર હાથે દાન આપી રહ્યા છે. આ સિવાય તેમણે કહ્યું કે, 'મંદિરમાં જે પથ્થરનો ઉપયોગ કરવામાં આવ્યો છે તે કન્યાકુમારીથી આવી રહ્યો છે અને મંદિર એ જ રીતે બનાવવામાં આવી રહ્યું છે જે રીતે આપણા પૌરાણિક, વૈદિક કાળ અથવા વેદોમાં લખ્યું છે કે મંદિર આ રીતે બનાવવું જોઈએ. લોખંડ અને એ જ જૂના પથ્થરનો ઉપયોગ કરીને મંદિર બનાવવામાં આવી રહ્યું છે.
વધુ વાંચો : વિશ્વનું એક માત્ર શિવલિંગ, જેની પર છે સવા લાખ છીદ્ર, જ્યાં આ એક ચીજ ચડાવવાથી પૂર્ણ થાય છે તમામ મનોકામના
મંદિરમાં વપરાયેલા પથ્થરો કન્યાકુમારીથી લાવવામાં આવ્યા
તાજેતરમાં જ નેપાળથી શાલિગ્રામ પથ્થર આવ્યો હતો, જેને લખનૌની એસપી ઓફિસમાં લાવવામાં આવ્યો હતો. જ્યાં તેમની પૂજા કરવામાં આવી હતી. આ મંદિરનું નિર્માણ કેદારનાથ મંદિરની તર્જ પર કરવામાં આવી રહ્યું છે. પ્રાપ્ત માહિતી અનુસાર, ઈટાવામાં બની રહેલા કેદારેશ્વર મંદિરમાં સ્થાપિત કરવામાં આવનાર શિવલિંગ નેપાળથી લાવવામાં આવેલા શાલિગ્રામ શિલામાંથી બનાવવામાં આવશે. આ મંદિરને ભવ્ય બનાવવા માટે સમાજવાદી પાર્ટી ખાસ તૈયારીઓ કરી રહી છે. આ મંદિરમાં વપરાયેલા પથ્થરો કન્યાકુમારીથી લાવવામાં આવ્યા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
_6.jpg)
