અમદાવાદ / સીજી રોડ પર ઘોળા દિવસે 50 લાખની દિલઘડક લૂંટ,આંગડિયા પેઢીનો કર્મચારી લૂંટાયો, બાઇક ચાલક લૂંટારાઓ પળવારમા હવામા ઓગળી ગયા

• અમદાવાદમાં સીજી રોડ પર લાખોની લૂંટ
• આંગડિયા પેઢીનો કર્મચારી લૂંટાયો
• કર્મચારી પાસેથી રૂપિયા 50 લાખની લૂંટ

અમદાવાદ શહેરમાં દિવસેને દિવસે ક્રાઈમની ઘટના વધતી જતી હોય તેવું વર્તમાનમાં કિસ્સાઓ પરથી જાણી શકાય છે. શહેરમાં ધોળા દિવસે લૂંટની ઘટના બનતા ચકચાર મચી જવા પામી છે. સીજી રોડ પર લાખોની લૂંટ થઈ છે વિગતો મુજબ  આર. અશોક આંગડિયા પેઢીનો કર્મચારી લૂંટાયો છે.

સીજી રોડ પર સુપર મોલ નજીક લૂંટની ઘટના
સીજી રોડ પર  આર. અશોક આંગડિયા પેઢીનો કર્મચારી એક્ટિવા પર જઈ રહ્યો હતો ત્યારે કર્મચારી પાસે રૂપિયા 50 લાખ જેટલી રકમ હતી. સીજી રોડ પર સુપર મોલ નજીક પહોંચ્યો હતો ત્યારે તેની સાથે લૂંટની ઘટના બની હતી.બાઈક પર આવેલા 2 શખ્સઓએ લૂંટને અંજામ આપીને ફરાર થયા હતાં. જે સમગ્ર મામલે પોલીસે તપાસ હાથ ધરી છે.

અગાઉ પણ આંગડિયા પેઢીના કર્મચારી લૂંટાયો હતો
થોડા દિવસ અગાઉ અખબારનગર વિસ્તામાંથી પટેલ અમૃત કાન્તિલાલ આંગડિયા પેઢીના કર્મચારીઓ પસાર થઈ રહ્યા હતા. ત્યારે બાઈક ઉપર આવેલા લૂંટારૂઓ આંગડિયા પેઢીના કર્મી પાસેથી બેગ ઝુંટવી ફરાર થઈ ગયા હતા. ત્યારે લૂંટાયેલ કર્મચારી આંગડીયા પેઢીનો કર્મચારી હતો. બાઈક પર આવેલ શખ્સો બેગ લઈ ફરાર થઈ ગયા હતા. બેગમાં રોકડ રકડ સહિત રૂ.25 લાખનો મુદ્દામાલ હોવાનું હાલ જાણવા મળ્યું હતું. લોકોની ચહલપહલથી ધમધમતા રોડ પર લૂંટારૂઓ દ્વારા ત્રાટકી બેગ લઈ ફરાર થઈ જતા ચકચાર મચી જવા પામી હતી. આ લૂંટ અંગેની જાણ પોલીસને કરતા વાડજ પોલીસ સહિત ઉચ્ચ પોલીસ અધિકારીઓ ઘટના સ્થળે આવી પહોંચી તપાસ હાથ ધરી હતી.