કાર્યવાહી / વડોદરા બોટ દુર્ઘટના: લુકઆઉટ નોટિસ જાહેર, ઓપરેટર પાસે બોટની નહોતી તાલીમ; હેલ્પરને તરતાં નહોતું આવડતું

• વડોદરા બોટ દુર્ઘટના મામલે મોટી કાર્યવાહી
• પોલીસ કમિશનર અનુપમસિંહ ગેહલોતનું નિવેદન 
• આરોપીઓ સામે લૂક આઉટ નોટિસ બહાર પાડી 

 વડોદરા બોટ દુર્ઘટના મામલે પોલીસ કમિશ્નર અનુપમસિંહ ગેહલોતે નિવેદન આપ્યું હતુ કે, આરોપીઓ સામે લૂક આઉટ નોટિસ બહાર પાડી છે. તેમજ આરોપીઓ વિદેશ ભાગી ન જાય તે માટે પાસપોર્ટ ઓફીસની મદદ લેવામાં આવી છે. ગઈકાલે આરોપીઓ પકડાયા તેમના મોબાઈલની ચકાસણી કરાઈ હતી. તેમજ આરોપીની કડકાઈથી પૂછપરછ પણ કરાઈ હતી. 

આવકનું રિપોર્ટિંગ પરેશ શાહ અને નિલેશ જૈનને રોજ સ્ટાફ આપતો હતો 
આરોપીઓ કબૂલાત કરી કે ડોલ્ફીન નામની કંપનીને પેટા કોન્ટ્રાક્ટ આપ્યો હતો. જે કંપની નિલેશ જૈનની હતી. તેમજ આવકનું રિપોર્ટીંગ પરેશ શાહ અને  નિલેશ જૈનને રોજ સ્ટાફ આપતો હતો. ટીકીટ વેચાણની માહિતી પણ પરેશ શાહ અને નિલેશ જૈનને આપવામાં આવતી હતી. પરેશ શાહ અને નિલેશ જૈનને આખરે પોલીસે આરોપી બનાવ્યો હતો. પરેશ શાહનો હરણી લેક ઝોનમાં મુખ્ય રોલ હતો. તેમજ હાલ પરેશ શાહ, પુત્ર, પુત્રી અને તેની પત્નિ મળી ચારેયને આરોપી બનાવાયા છે. 

વધુ વાંચોઃ વડોદરા બોટ દુર્ઘટનાનો મામલો સુપ્રીમ કોર્ટ પહોંચ્યો, જાણો અરજીમાં કોની સામે કાર્યવાહી કરવાની માંગ

સ્પેશિયલ પબ્લિક પ્રોસિક્યુટર આ કેસમાં નિમવામાં આવશે
તેમજ નયન ગોહિલ પાસે બોટ ચલાવવા માટેની કોઈ તાલીમ ન હતી. હેલ્પરને સ્વીમીંગ પણ આવડતી ન હતી. સ્પેશિયલ પબ્લિક પ્રોસિક્યુટર આ કેસમાં નિમવામાં આવશે. લેક ઝોનમાં બેદરકારીના તમામ પુરાવાઓ પોલીસે ભેગા કર્યા અને હજી પણ ભેગા કરવામાં આવી રહ્યા છે.