આક્ષેપ / વડોદરા બોટ દુર્ઘટનાનો મામલો સુપ્રીમ કોર્ટ પહોંચ્યો, જાણો અરજીમાં કોની સામે કાર્યવાહી કરવાની માંગ

• વડોદરા બોટ દુર્ઘટનાનો મામલો પહોંચ્યો સુપ્રીમ કોર્ટ
• મોરબી બ્રિજ દુર્ઘટના એસો દ્વારા સુપ્રીમ કોર્ટમાં PIL
• VMC કમિશનર, વડોદરા કલેકટર સામે કાયદાકીય પગલાં લેવાની માંગ

વડોદરા બોટ દુર્ઘટનામાં બે મહિલા શિક્ષકો તેમજ બાળકો સહિત કુલ 17 લોકોનાં મોત નિપજ્યા છે. જે બાદ પોલીસ દ્વારા 18 આરોપીઓ સામે ફરિયાદ નોંધવામાં આવી છે. જ્યારે 6 લોકોની ધરપકડ કરવામાં આવી છે. ત્યારે હવે આ સમગ્ર મામલો સુપ્રીમ કોર્ટમાં PIL દાખલ કરવામાં આવી છે. મૃતકોને ચૂકવવામાં આવેલા વળતર સહિતના મુદ્દા PIL  માં ઉલ્લેખ કરાયો છે. તેમજ શાળાના આચાર્ય, ટ્રસ્ટીઓ સામે કાયદાકીય પગલાં લેવાની માંગ કરવામાં આવી છે. 

વધુ વાંચોઃ અહેમદ પટેલના પુત્રી મુમતાઝે છોટુ વસાવા સાથે મુલાકાત કરતા રાજકારણ ગરમાયું, આપી સમર્થનની ખાતરી

અધિકારીઓને  સસ્પેન્ડ કરી કાયદાકીય પગલા લેવા અરજીમાં રજૂઆત
VMC કમિશનર, વડોદરા કલેક્ટર સામે કાયદાકીય પગલાં લેવાની માંગ કરવામાં આવી છે. તેમજ કોની મંજૂરીથી જરૂરી પરવાનગીઓ આપવામાં આવી તે દિશામાં તપાસની માંગ કરવામાં આવી છે. કલેક્ટર, કોર્પોરેશન દ્વારા ક્યારેયર પણ નિરીક્ષણ ન કરાયું હોવાનો પણ અરજીમાં આક્ષેપ કરાયો છે. બોટ જર્જરીત હાલમાં હોવા છતાં કોની મંજૂરીથી ચાલી રહી હતી. તે અંગે પણ સવાલ ઉઠ્યા છે. તેમજ અધિકારીને સસ્પેન્ડ કરી કાયદાકીય રીતે પગલા લેવા અરજીમાં રજૂઆત કરવામાં આવી છે. સુપ્રીમ અથવા હાઈકોર્ટના ન્યાયાધીશની દેખરેખ હેઠળ વિશેષ તપાસની માંગ કરવામાં આવી છે. તેમજ પ્રકારની દુર્ઘટનામાં પાણીમાં ડૂબી જવાથી અનેક લોકોના મોત થયા હોવાનો પણ અરજીમાં ઉલ્લેખ કર્યો હતો.