મહીસાગર / લો બોલો! પોલીસ જ ચોરના કામ કરે તો શું રહ્યું! પોલીસ સ્ટેશનમાંથી દારૂ અને પંખા ચોરી ગયા, દોઢ લાખના સામાન સાથે 6 સામે FIR

• મહીસાગરમાં પોલીસે જ કરી પોલીસ સ્ટેશનમાં ચોરી 
• ASI સહિત 2 કોન્સ્ટેબલની ચોરીમાં સંડોવણી 
• GRD અને હોમગાર્ડ પણ ચોરીમાં શામેલ 
• પોલીસ સ્ટેશનના 15 પંખા ચોરાયા
• પોલીસ સ્ટેશનમાંથી દારૂ પણ ચોરી ગયા

Mahisagar Police Crime News : આપણે દરરોજ સમાચારમાં ચોરીની ઘટના વિશે જાણતા હોઈએ છીએ. જોકે મહીસાગરમાં ચોરીની એક ચોંકવાનારી ઘટના સામે આવી છે. વિગતો મુજબ અહીં ખુદ લોકોની રક્ષક પોલીસ જ ભક્ષક બની હોવાનું સામે આવ્યું છે. અહીંના એક પોલીસ સ્ટેશનના કર્મચારીઓએ ભેગા મળી ખુદના પોલીસ સ્ટેશનમાંથી જ દારૂ અને પંખા સહિતની ચોરી કર્યાનું સામે આવતા હડકંપ મચી ગયો છે. 

મહીસાગરના બાકોર પોલીસ સ્ટેશનમાં પોલીસકર્મી દ્વારા જ ચોરી કરાઈ છે. વિગતો મુજબ બકોર પોલીસ સ્ટેશનમાં દારૂ સહિતનો મુદ્દામાલ પડ્યો હતો. જોકે ખાનપુર પોલીસ સ્ટેશનમાં ફરજ બજાવતા ASI સહિત 2 કોન્સ્ટેબલ, GRD અને હોમગાર્ડ સહિતના ભેગા મળી એક પ્લાન બનાવ્યો. જેમાં આ પોલીસકર્મીઓ દ્વારા પોલીસ સ્ટેશનમાંથી દારૂ અને પંખાની ચોરી કરવાં આવી હતી.

1.57 લાખના મુદ્દામાલની ચોરી 
મહીસાગરના ખાનપુર પોલીસ સ્ટેશનમાં ફરજ બજાવતા પોલીસકર્મીઓ દ્વારા ચોરી કરાઈ હોવાની ઘટના સામે આવતા સમગ્ર મહીસાગર પોલીસબેડામાં ચકચાર મચી ગઈ છે. આ સમગ્ર મામલે ASI સહિત 2 કોન્સ્ટેબલ, GRD અને હોમગાર્ડની ચોરીમાં સંડોવણી હોવાનું ખૂલતાં દારૂ અને 15 પંખા સહિત રૂપિયા 1.57 લાખના મુદ્દામાલની ચોરીને લઈ પોલીસ જવાન અને હોમગાર્ડ સહિત 6 લોકો સામે ગુનો નોંધાયો છે.