મુંબઈ / લતા દીદીની હાલત અત્યંત નાજુક: ઠાકરે બ્રધર્સ સહિતના નેતાઓ હોસ્પિટલ પહોંચ્યા, આશા ભોંસલેએ કહ્યું પ્રાર્થના કરો

• લતા મંગેશકરની તબિયત નાજુક 
• ઠાકરે બ્રધર્સ સહિતના નેતાઓ પહોંચ્યા હોસ્પિટલ 
• આશા ભોંસલેએ કહ્યું દીદી ઠીક છે

લતા મંગેશકર માટે દેશ કરી રહ્યો છે પ્રાર્થના 
સ્વર કોકિલા અને ભારતરત્ન ગાયિકા લતા મંગેશકરની હાલત ગઇકાલથી અત્યંત નાજુક બની ગઈ છે જેથી તેમને ફરીથી વેન્ટિલેટર પર ખસેડવામાં આવ્યા છે. કોરોનાથી સંક્રમિત થયા બાદ તેમને 8 જાન્યુઆરીએ મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા. 92 વર્ષીય લતા તાઈ ત્યારથી જ ICUમાં છે. હોસ્પિટલની બહાર સુરક્ષા કડક કરી દેવામાં આવી છે. બહેન આશા ભોસલે અને ભાઈ હૃદયનાથ મંગેશકર પણ લતા તાઈની તબિયત જાણવા હોસ્પિટલ પહોંચ્યા હતા. લગભગ બે કલાક અંદર રહ્યા પછી બંનેએ કહ્યું, દીદી ઠીક છે અને તમે બધા પ્રાર્થના કરો.

દિગ્ગજ નેતાઓ હોસ્પિટલ દોડી આવ્યા 
બગડતી તબિયતના સમાચાર સાંભળીને કેન્દ્રીય મંત્રી પીયૂષ ગોયલ, મહારાષ્ટ્રના CM ઉદ્ધવ ઠાકરેના પત્ની રશ્મિ ઠાકરે પણ મોડી સાંજે હોસ્પિટલ પહોંચ્યા હતા . બપોરે શરદ પવારની પુત્રી અને NCP નેતા સુપ્રિયા સુલે પણ હોસ્પિટલ પહોંચ્યા હતી. એ પહેલા મહારાષ્ટ્ર નવનિર્માણ સેનાના પ્રમુખ રાજ ઠાકરે હોસ્પિટલ પહોંચ્યા હતા.

લતા મંગેશકરને 10 જાન્યુઆરીએ હોસ્પિટલમાં દાખલ કરવામાં આવ્યા હતા. નિમોનિયા થયા બાદ સુર સામ્રાજ્ઞીને ભરતી કરવામા આવ્યા હતા. મુંબઈની બ્રીચ કૈંડી હોસ્પિટલમાં તેમની સારવાર ચાલી રહી છે, જે તેમના ઘર લતા કુંજથી ફક્ત 500 મીટરના અંતરે છે. 

ગઇકાલે સાંજે હોસ્પિટલે આપ્યું હતું નિવેદન 
મુબઈની બ્રીચ કૈંડી હોસ્પિટલના ડોક્ટર પ્રતીત સમદાનીએ ગઇકાલે સાંજે જણાવ્યું હતું કે, લતા મંગેશકરની તબિયત ફરી એક વાર ખરાબ થઈ ગઈ છે. તેમની હાલત નાજૂક છે. તેમને વેન્ટીલેટર પર રાખવામાં આવ્યા છે. આ સાથે જ ડોકટરોની ટીમ તેમની સારવાર કરી રહી છે.