BIG NEWS / લખીમપુર કાંડ: ટેનીને સુપ્રીમ કોર્ટે આપ્યા જામીન, પણ દિલ્હી અને UPથી રહેવું પડશે દૂર

• લખીમપુર ખીરી કેસના આરોપી આશિષ મિશ્રાને લઈ મોટા સમાચાર 
• સુપ્રીમ કોર્ટે આશિષ મિશ્રાને આપ્યા શરતી જામીન 
• આશિષ દિલ્હી અને યુપીમાં રહી શકે નહીં: સુપ્રીમ કોર્ટ
• આરોપી ખેડૂતોને પણ સુપ્રીમ કોર્ટે આપ્યા જામીન 

લખીમપુર ખીરી કેસના આરોપી આશિષ મિશ્રાને લઈ મોટા સમાચાર સામે આવ્યા છે. વાત જાણે એમ છે કે, સુપ્રીમ કોર્ટે લખીમપુર ખીરી કેસના આરોપી આશિષ મિશ્રાને વચગાળાના જામીન મંજૂર કર્યા છે. જોકે નોંધનીય છે કે, જામીન આપતી વખતે કોર્ટે આશિષને અનેક સૂચનાઓ આપી છે અને શરતો પણ મૂકી છે. 8 અઠવાડિયા માટે વચગાળાના જામીન આપતા કોર્ટે કહ્યું કે, આશિષ દિલ્હી અને યુપીમાં રહી શકે નહીં.

સુપ્રીમ કોર્ટના આદેશ મુજબ જામીનમાંથી મુક્ત થયાના એક સપ્તાહની અંદર આરોપી આશિષ મિશ્રાએ યુપી છોડવું પડશે. કોર્ટે એવી શરત મૂકી કે, આશિષે તેનું સરનામું પોલીસને જણાવવું પડશે અને તે દરરોજ પોલીસ સ્ટેશનમાં રિપોર્ટ કરશે. કોર્ટે કહ્યું કે, તે સાક્ષીઓને કોઈપણ રીતે પ્રભાવિત કરી શકે નહીં. તે તેના કોઈપણ સાક્ષીને મળશે નહીં.

Supreme Court has granted interim bail to Ashish Mishra on condition that he will not stay in NCT of Delhi and Uttar Pradesh and he will leave Uttar Pradesh one week after he releases on bail.

— ANI (@ANI) January 25, 2023

લખીમપુર ખીરી કેસના આરોપી આશિષ મિશ્રાના  જામીન મંજૂર કરવાની સાથે સુપ્રીમ કોર્ટે લખીમપુર ખીરી ઘટનામાં માર્યા ગયેલા આરોપીને મારી-મારીને હત્યા કરનારા 4 ખેડૂતોના પણ વચગાળાના જામીન મંજૂર કર્યા છે. 

Supreme Court grants interim bail for eight weeks to Ashish Mishra in the Lakhimpur Kheri violence case with conditions. pic.twitter.com/I2KnoES8J0

— ANI (@ANI) January 25, 2023

શું છે હતો સમગ્ર મામલો ?
લખીમપુર ખીરીના ટીકુનિયામાં અગાઉ લોહિયાળ સંઘર્ષ થયો હતો. જેમાં ચાર ખેડૂતો સહિત આઠ લોકોએ જીવ ગુમાવ્યો હતો. આ કેસમાં આરોપી કેન્દ્રીય મંત્રી અજય મિશ્રા ટેનીનો પુત્ર આશિષ મિશ્રા છે. આ ઘટનાને લઈને વિરોધ ચાલી રહ્યો છે અને રાજકીય માહોલ પણ ગરમાયો હતો .