દેશ / કુનોમાં ઉપરાઉપરી ચિત્તાના મોતને પગલે એલર્ટ થઈ કેન્દ્ર સરકાર, લીધો આ મોટો નિર્ણય, અત્યાર સુધી 6ના મોત

• કૂનો નેશનલ પાર્કમાં 6 ચિત્તાઓનાં મોત બાદ સરકાર જાગી
• રાજેશ ગોપાલની અધ્યક્ષતાવાળી ખાસ સમિતિનું થશે ગઠન
• ચિત્તાનાં પુન:પ્રવેશ પ્રોગ્રામની દેખરેખ માટે બનશે સમિતિ

મધ્યપ્રદેશનાં કૂનો નેશનલ પાર્કમાં વિદેશથી લઈ આવેલા ચિત્તાઓમાંથી અત્યારસુધી 6નું મોત થઈ ચૂક્યું છે. ગઈકાલે સ્વાસ્થ્ય ખરાબ થતાં 2 બચ્ચાઓનું મૃત્યુ નોંધાયું છે. આ ઘટના પર કેન્દ્ર સરકાર હવે જાગી છે. ભારત સરકારે ચિત્તાનાં પુન:પ્રવેશ પ્રોગ્રામની દેખરેખ માટે 11 સદસ્યોની એક ઉચ્ચ સ્તરીય સંચાલન સમિતિનું ગઠન કર્યું છે.

Centre has set up 11-member high-level steering committee to review & monitor progress of cheetah reintroduction programme and provide suggestions on opening of cheetah habitat for eco-tourism: National Tiger Conservation Authority memo

— Press Trust of India (@PTI_News) May 26, 2023

ખાસ સમિતિનું કરવામાં આવશે ગઠન
કેન્દ્ર  સરકારે ગુરુવારે ગ્લોબલ ટાઈગર ફોરમનાં મહાસચિવ રાજેશ ગોપાલની અધ્યક્ષતાવાળી સમિતિ બનાવવાનો નિર્ણય લીધો હતો. સાથે જ ઈકો ટૂરિઝમ માટે ચિત્તાઓના નિવાસસ્થાન ખોલવા અંગે પણ કહેવામાં આવ્યું છે. જાણકારી અનુસાર આ પેનલ 2 વર્ષ માટે કાર્યરત રહેશે અને દર મહિને ઓછામાં ઓછી એક બેઠક યોજશે. સમિતિ સામુદાયિક ઈંટરફેસ અને યોજનાની ગતિવિધિઓમાં તેમની ભાગેદારી અંગે ચર્ચા કરશે.

મેનેજમેન્ટ પર ઊઠ્યાં સવાલો
અત્રે ઉલ્લેખનીય છે કે છેલ્લા 2 મહિનામાં 3 વયસ્ક ચિત્તાઓ અને નામ્બિયાની માદા ચિત્તા સિયાસાથી પેદા થયેલા 4 બચ્ચાઓમાંથી 3નું મોત થયું છે. કેટલાક વિશેષજ્ઞો તેમના મૃત્યુ પાછળ આવાસ અને વાઇલ્ડ લાઇફ મેનેજમેન્ટ પર સવાલો ઊઠાવી રહ્યાં છે.