માન્યતા / મહાદેવના મંદિરમાં નંદીના કાનમાં મનોકામના કહેવાની સાચી રીતે કઈ? મોટા ભાગના લોકો કરે છે ભૂલ, જાણી લો-તરત મળશે રિઝલ્ટ

• હિંદુ ધર્મમાં અનેક લોકો ભગવાન શિવની પૂજા કરે છે
• શિવના મંદિરની બહાર નંદી જરૂરથી હોય છે
• નંદીની પૂજા વગર ભગવાન શિવની પૂજાને અધૂરી માનવામાં આવે છે

હિંદુ ધર્મમાં અનેક લોકો ભગવાન શિવની પૂજા કરે છે. ભગવાન શિવના મંદિરની બહાર નંદી જરૂરથી હોય છે. નંદીજી કૈલાશ પર્વતના દ્વારપાળ છે. શિવ મંદિરમાં શિવલિંગની સામે નંદીજી બિરાજમાન હોય છે. નંદીની પૂજા વગર ભગવાન શિવની પૂજાને અધૂરી માનવામાં આવે છે. 

તમે ઘણી વાર જોયું હશે કે, લોકો શિવ મંદિરમાં જઈને નંદીના કાનમાં કંઈક કહેતા હોય છે. નંદીના કાનમાં ધીરેથી મનોકામના બોલવામાં આવે છે. માનવામાં આવે છે કે, નંદીના કાનમાં મનોકામના કહેવાથી પૂર્ણ થાય છે. નંદીના કાનમાં કોઈ વાત કહેવાની એક ખાસ રીત હોય છે, જે અંગે શાસ્ત્રોમાં જણાવવામાં આવ્યું છે. આ પ્રકારે નંદીના કાનમાં વાત કહેવાથી મનોકામના પૂર્ણ થાય છે. 

નંદીના કાનમાં વાત કહેવાની યોગ્ય રીત

• અનેક વાર લોકો ભગવાન શિવની પૂજા કરીને ઘરે જતા રહે છે. ભગવાન શિવની સાથે નંદીની પૂજા કરવી જરૂરી છે. શિવલિંગની પૂજા કર્યા પછી નંદીની પૂજા જરૂરથી કરવી જોઈએ. નંદીની સામે દીવો જરૂરથી કરવો જોઈએ. શિવજીની સાથે સાથે નંદીની પણ આરતી કરવી જોઈએ. 
• પૂજા કર્યા પછી વાતચીત ના કરવી અને નંદીના કાનમાં મનોકામના કહેવી. માનવામાં આવે છે કે, શિવજી મોટાભાગે તપસ્યામાં લીન રહે છે. તપસ્યામાં વિધ્ન ના પડે તે માટે લોકો નંદીના કાનમાં વાત કહે છે. ત્યાર પછી નંદી શિવજી સુધી પહોંચે છે. માનવામાં આવે છે કે, શિવજીએ નંદીજીને વરદાન આપ્યું હતું કે, જે વ્યક્તિ તારા કાનમાં તેમની મનોકામના કહેશે, તેમની ઈચ્છા પૂર્ણ થશે. 
• નંદીના કાનમાં મનોકામના કહેતા સમયે ધ્યાન રાખવું જોઈએ કે, મનોકામના ડાબા કાનમાં બોલવી. ડાબા કાનમાં મનોકામના બોલવી તે શુભ માનવામાં આવે છે. 
• તમે નંદીના કાનમાં મનોકામના કહો ત્યારે ખાસ રાખવું કે, મનોકામના અયોગ્ય ના હોવી જોઈએ. કોઈ વ્યક્તિના અહિતની મનોકામના ના માંગવી. નંદીના કાનમાં મનોકામના કહ્યા પછી નંદીજીની સામે પૈસા, ફળ અથવા મિઠાઈ જરૂરથી અર્પણ કરવા જોઈએ.