રેસિપી / મેથી મટર મલાઈનું આ શાક તમારા રસોડે બનાવશો તો આંગળા ચાટતા રહી જશો, એકદમ સરળ રેસિપી જાણો

Team VTV 05:29 PM, 27 Nov 20
Know how to make winter special methi matar malai sabji at home

શિયાળો આવે એટલે લીલાં શાકભાજી ખાવાની મજા પડી જાય છે. શિયાળામાં ખાસ બનતું એક શાક મેથી મટર મલાઈ બનાવવામાં ખૂબ જ સરળ અને સ્વાદમાં એકદમ ટેસ્ટી હોય છે. આ શાકની રેસિપી ખૂબ જ સરળ છે અને ઘરના નાના મોટા સૌને ભાવે એવું આ શાક લોકો મોટાભાગે રેસ્ટોરન્ટમાં જઈને ઓર્ડર કરતા હોય છે. પરંતુ આજે અમે તમને આ શાકની એવી સરળ રેસિપી જણાવીશું, જે ખાઈને તમે ખુશ થઈ જશો. ચાલો જાણી લો.

સામગ્રી

સમારેલી તાજી મેથી - 2 કપ 
બાફેલા વટાણા - 1 કપ
મલાઈ/ક્રીમ - 1 કપ 
ઘી-તેલ - 2 ચમચા
પાણી - પા કપ 
મીઠું - સ્વાદ અનુસાર 

પેસ્ટ માટે

બારીક સમારેલી ડુંગળી - 1 નંગ 
જીરું - 1 ચમચી
સમારેલું લસણ - 2 કળી 
સમારેલું આદું - નાનો ટુકડો 
સમારેલાં મરચાં -2 નંગ 
કાજુ - અડધો કપ

રીત

પેસ્ટ બનાવવા માટેની તમામ સામગ્રીને બ્લેન્ડરમાં લઈને થોડું પાણી નાખીને પેસ્ટ તૈયાર કરો. એક કડાઈમાં તેલ અથવા ઘી ગરમ કરો. તેમાં તૈયાર પેસ્ટ નાંખીને હલાવતાં રહો. સુગંધ આવે ત્યાં સુધી અથવા તો લગભગ પાંચ-સાત મિનિટ રાખો. વચ્ચે વચ્ચે હલાવતાં રહો. જો પેસ્ટ કડાઈ સાથે ચોંટતી હોય તો થોડુંક પાણી નાખીને હલાવો. હવે પેસ્ટમાં સમારેલી મેથી અને પા કપ (અથવા જરૂર પૂરતું) પાણી ઉમેરો. બરાબર મિક્સ કરીને દસ મિનિટ માટે રાખો. આમાં બાફેલાં વટાણા અને ક્રીમ મિક્સ કરીને પાંચ-છ મિનિટ રહેવા દો. સ્વાદ અનુસાર મીઠું નાખીને એક મિનિટ રાખો. ગરમાગરમ મેથી-મટર મલાઈને નાન કે પરાઠા સાથે સર્વ કરો.

winter special methi matar malai sabji Recipe
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ