- કેરળથી સામે આવ્યો ચોંકાનારો કિસ્સો
- Google Mapના કારણ થયા ડૉક્ટર્સના મોત
- મેપના રસ્તે જતા કાર સીધી નદીમાં ખાબકી
ટેક્નોલોજી પર આંખ બંધ કરીને વિશ્વાસ કરવો જીવનું જોખમ બની શકે છે. એવું જ કંઈક કેરળમાં થયું છે. જ્યાં ગુગલ મેપના મિસગાઈડ કરવાના કારણે બે લોકોના મોત થઈ ગયા છે.
કોચિની પાસે ગોથુરૂથમાં પેરિયાર નદીમાં કાર ખાબક્યા બાદ બે ડૉક્ટર્સના મોત થઈ ગયા અને મોતનું કારણ Google Map બન્યું છે. કારમાં હાજર યુવક ગુગલ મેપ દ્વારા આગળ વધી રહ્યા હતા જ્યાં મિસગાઈડ બાદ તેમની કાર નદીમાં પડી અને બે યુવતોના મોત થઈ ગયા.
શું છે સમગ્ર મામલો?
એક રિપોર્ટ અનુસાર પોલીસે જણાવ્યું કે કેરળમાં કોચીની પાસે પેરિયાર નદીમાં એક કારના પડવાથી શનિવારે રાત્રે તેમાં સવાર બે ડૉક્ટર્સના મોત થઈ ગયા છે. ડૉક્ટર્સની ઓળખ અદ્વૈત (29) અને અજમલ (29)ની રીતે કરવામાં આવી રહી છે જે જિલ્લાની એક ખાનગી હોસ્પિટલમાં હતા. શનિવારે મોડી રાત્રે સાડા બાર વાગ્યે થયેલી આ દુર્ઘટનામાં તેમનું મોત થઈ ગયા.
પોલીસે જણાવ્યું કે ડૉક્ટર્સની સાથે યાત્રા કરનાર ત્રણ અન્ય લોકો પણ દુર્ઘટનામાં ઘાયલ થયા છે અને તેમની હોસ્પિટલમાં સારવાર ચાલી રહી છે. પોલીસે કહ્યું કે એવું લાગી રહ્યું છે કે કાર ચાલક ગુગલ મેપથી રસ્તો શોધી રહ્યા હતા અને તેના મીસગાઈડના કારણે ત્યાં પહોંચ્યા.
ભારે વરસાદના કારણે ઓછી હતી વિઝિબિલિટી
પોલીસે આગળ કહ્યું કે ભારે વરસાદના કારણે તે સમયે વિઝિબિલિટી ખૂબ જ ઓછી હતી તે ગુગલ મેપના જણાવેલા રસ્તા પર જઈ રહ્યા હતા. પરંતુ લાગી રહ્યું છે કે ગુગલ મેપમાં જણાવવામાં આવ્યું હતું કે ડાબી બાજુ વળવાનું છે પરંતુ તે ભુલથી આગળ જતા રહ્યા અને નદીમાં પડી ગયા. સ્થાનીક લોકો તેમને બચાવવા માટે પહોંચ્યા અને તેમણે પોલીસને જાણ કરી.
