હેલ્થ / જરૂરી નથી કે ઇન્ટરનેટ પર બતાવેલ રીત સત્ય જ હોય! મેદસ્વિતાને દૂર કરતા પહેલાં આટલું ધ્યાનમાં રાખજો નહીં તો...

• હેલ્થને હેલ્ધી રાખવા એક્સપર્ટની સલાહ
• વજન ઘટાડવાની માન્યતાઓ માનશો નહીં
• ઇન્ટરનેટ પર બતાવેલી વસ્તુઓ શરીરને નુકસાન પહોંચાડી શકે 

ખરાબ લાઇફસ્ટાઇલના કારણે મેદસ્વિતા આજે દરે ત્રીજી વ્યક્તિની સૌથી મોટી સમસ્યા બની ચૂકી છે. વજન ઘટાડવા માટે લોકો એક્સ્પર્ટ વ્યક્તિની સલાહ લેવાના બદલે ઇન્ટરનેટ પર અલગ અલગ પ્રકારની રીતો શોધવા લાગે છે. દરેક વ્યક્તિના શરીરની ક્ષમતા અલગ અલગ હોય છે. આવા સંજોગોમાં એ બિલકુલ જરૂરી નથી કે ઇન્ટરનેટ પર બતાવેલી રીત તમને કામ લાગે. ઘણીવાર ઇન્ટરનેટ પર બતાવેલી વસ્તુઓ શરીરને નુકસાન પણ પહોંચાડી શકે છે. 

લીંબુ પાણી અને મધઃ 
મેદસ્વિતા ઘટાડવા માટે લોકો સૌથી પહેલાં લીંબુ અને મધનું સેવન કરવા લાગે છે, તેનાથી વજન ઘટતું નથી. એક ચમચી મધમાં લગભગ ૨૦૦ કેલરી હોય છે. ખાલી પેટ લીંબુ પાણી પીવાથી એસિ‌િડટીની સમસ્યા થઇ શકે છે. 
ફળ અને શાકભાજીઃ 
ફળ અને શાકભાજી હેલ્થ માટે સારાં છે તે હકીકત છે, પરંતુ વજન ઘટાડવા માટે માત્ર ફળ અને શાકભાજી પર ભરોસો કરી લેવો તે ખોટું છે. વેઇટ લોસ માટે તમારા ડાયટમાં લો કાર્બ્સ અને હાઇ પ્રોટીન હોવાં જરૂરી છે. 
એપલ સાઇડર વિનેગરઃ 
ઘણીવાર લોકો ઇન્ટરનેટ પર જોઇને સવારે ખાલી પેટે એપલ વિનેગર પીવા લાગે છે, તેનાથી પેટમાં અલ્સરની સમસ્યા થઇ શકે છે. આ ઉપરાંત તે નર્વસ સિસ્ટમને પણ નુકસાન પહોંચાડી શકે છે અને ગળામાં બળતરા પણ થાય છે. 
ભૂખ્યા રહેવુ: 
ઘણા લોકો વજન ઉતારવા માટે જમવાનું છોડી દે છે, તેનાથી વજન તો ઘટે છે, પરંતુ શરીરમાં નબળાઇ આવી જાય છે. વજન ઘટાડવા માટે કેલરી અને કાર્બ્સ ઘટાડવાં જરૂરી છે, પરંતુ જમવાનું છોડી દેવું જોઇએ નહીં.
સપ્લિમેન્ટ્સઃ 
જિમમાં જતા લોકો વજન ઘટાડવા માટે સ‌િપ્લમેન્ટ્સ પણ લે છે, પરંતુ તેના સેવનથી કિડની ફેલ થવાનો ખતરો પણ રહે છે. વેઇટ લોસ સ‌િપ્લમેન્ટ્સનું વધુ પડતું સેવન હાર્ટએટેકનું કારણ પણ બની શકે છે.