- કેદારનાથમાં શ્રદ્ધાળુઓ માટે ઘોડા અને ખચ્ચરની વ્યવસ્થા
- કેદારનાથનો એક વિડીયો વાયરલ
- બે વ્યક્તિ ઘોડાને જબરદસ્તી સિગારેટ પીવડાઈ રહ્યા છે
ઉત્તરાખંડમાં કેદારનાથ ધામની યાત્રા ચાલી રહી છે. શ્રદ્ધાળુઓ પહાડ પર ચડીને કેદારનાથના દર્શન કરી રહ્યા છે. તમે જાણતા હશો કે, કેદારનાથમાં શ્રદ્ધાળુઓ માટે ઘોડા અને ખચ્ચરની વ્યવસ્થા છે. શ્રદ્ધાળુઓ જાનવરોની પીઠ પર સવાર થઈને દર્શન કરવા પહોંચે છે. કેદારનાથનો એક વિડીયો વાયરલ થઈ રહ્યો છે, જેમાં બે વ્યક્તિ ઘોડાને સિગારેટ પીવડાઈ રહ્યા છે.
ટ્વિટર પર એક યૂઝરે ઉત્તરાખંડ પોલીસને ટેગ કરીને ઘોડાને સિગારેટ પીવડાવતો વિડીયો શેર કર્યો છે. ઉત્તરાખંડ પોલીસે પણ આ વિડીયો રિટ્વિટ કર્યો છે અને જણાવ્યું છે કે, ‘પોલીસ વિડીયોમાં જે વ્યક્તિઓ છે, તેમની તપાસ કરી રહી છે. પોલીસે લોકોને અપીલ કરી છે કે, આ પ્રકારની ઘટના સામે આવે તો તાત્કાલિક ડ્યુટી પોલીસને અથવા 112 પર કોલ કરવો.’
સિગારેટ પીવાનો વિડીયો વાયરલ, પોલીસ હરકતમાં
આ વાયરલ વિડીયો 27 સેકન્ડનો છે. વિડીયોમાં જોવા મળી રહ્યું છે કે, બે વ્યક્તિએ ઘોડાને પકડી રાખ્યો છે અને એક વ્યક્તિ ઘોડાનું મોઢું અને એક તરફની નાસિકા હાથથી બંધ કરી રહ્યો છે. બીજો વ્યક્તિ જબરદસ્તી બીજી નાસિકામાં સિગારેટ ઠુસી રહ્યો છે. થોડા સમય પછી ઘોડો નાકમાંથી સિગારેટનો ધુમાડો બહાર કાઢે છે.
બોલીવુડ અભિનેત્રી રવિના ટંડને વિડીયો ટ્વિટ કર્યો
બોલીવુડ અભિનેત્રી રવિના ટંડને આ વિડીયો ટ્વિટ કર્યો છે અને જણાવ્યું છે કે, શું પવિત્ર સ્થાનો પર ઘોડા પર થતા અત્યાચાર રોકી શકાય છે. આ વિડીયો શેર કરીને ઉત્તરાખંડના મુખ્યમંત્રી પુષ્કર સિંહ ધામી અને PMO ઈન્ડિયાને ટેગ કરીને લખ્યું છે કે, શું આ પ્રકારના લોકોની ધરપકડ થઈ શકે? અનેક ટ્વિટર યૂઝર્સે આ વિડીયો પર નારાજગી વ્યક્ત કરી છે અને આરોપીઓ સામે કડક કાર્યવાહી કરવાની માંગ કરી છે.
નોંધ- VTV ગુજરાતી આ વાયરલ વિડીયોની પુષ્ટી કરતુ નથી.
