'ભૂલ ભુલૈયા' સિરીઝમાં અક્ષય કુમારની જગ્યા લેનાર અભિનેતા કાર્તિક આર્યન ફિલ્મ 'ભૂલ ભુલૈયા 3'ની તૈયારીઓ શરૂ કરી દીધી છે. ફિલ્મને લઈને અનેક પ્રકારના સમાચારો સામે આવવા લાગ્યા છે, લેટેસ્ટ રિપોર્ટમાં દાવો કરવામાં આવી રહ્યો છે કે કાર્તિક આર્યનના આન્દ્રે ગીત પર 1 હજાર ડાન્સર્સ પરફોર્મ કરશે.
સોશિયલ મીડિયા પર આ સમાચાર આવતા જ વાયરલ થયા હતા. રિપોર્ટ અનુસાર કાર્તિક આર્યનએ તેની હોરર-કોમેડી ફિલ્મ 'ભૂલ ભુલૈયા 3'નું શૂટિંગ શરૂ કરી દીધું છે. સૌથી પહેલા કાર્તિકે રૂહ બાબાના એન્ટ્રી સીનનું શૂટિંગ શરૂ કર્યું છે અને આ બોલિવૂડના અત્યાર સુધીના સૌથી મોટા ગીત શૂટમાંથી એક છે.
.jpg)
અહેવાલ મુજબ, ફિલ્મમાં કાર્તિકની એન્ટ્રીને એક ગીત સિક્વન્સ દ્વારા થશે. પ્રોડક્શનની દૃષ્ટિએ આ ગીત હિન્દી સિનેમાના સૌથી મોટા ગીતોમાંનું એક હોવાનું કહેવાય છે. મુંબઈના ફિલ્મસિટીમાં આ ગીત માટે વિશાળ સેટ તૈયાર કરવામાં આવ્યો છે. ગીતની કોરિયોગ્રાફી ગણેશ આચાર્ય કરશે. રિપોર્ટમાં કહેવામાં આવ્યું છે કે આ બોલિવૂડના અત્યાર સુધીના સૌથી મોટા ગીતોમાંનું એક છે અને તેમાં 1,000 ડાન્સર્સે ભાગ લીધો હતો. આ ફિલ્મમાં રૂહ બાબાની એન્ટ્રી સીન છે અને કાર્તિક છેલ્લા બે અઠવાડિયાથી આના પર કામ કરી રહ્યો છે.'
વધુ વાંચો : શું કંગના રનૌત બંધાશે લગ્નના બંધનમાં? કહ્યું 'હું પણ એક પરિવાર...'
જાણીતું છે કે ભૂષણ કુમાર દ્વારા નિર્મિત, 'ભૂલ ભૂલૈયા 3' અનીસ બઝમી દ્વારા નિર્દેશિત છે. આ ફિલ્મ દિવાળી પર રિલીઝ થશે. આ ફિલ્મમાં કાર્તિક સાથે અભિનેત્રી તૃપ્તિ ડિમરી પણ જોવા મળશે. તેના સિવાય, વિદ્યા બાલન ફરી એકવાર ભૂલ ભુલૈયા સિરીઝમાં વાપસી કરવા જઈ રહી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
