દેશ / લગ્ન બાદ શારીરિક સંબંધ ન બનાવવા હિન્દુ મેરેજ એક્ટ મુજબ ક્રૂરતા: હાઇકોર્ટે જુઓ શા માટે કહ્યું આવું

• કર્ણાટક HCએ સુનાવણી બાદ પત્નીની અરજી ફગાવી
• શારીરિક સંબંધ ન બનાવવાને લીધે પતિ પર કેસ કરવામાં આવ્યો હતો
• કોર્ટે કહ્યું IPC કલમ 498A અંતર્ગત આ કોઈ ગૂનો નથી

કર્ણાટક હાઈકોર્ટે પોતાનાં એક કેસની સુનાવણી દરમિયાન કહ્યું કે લગ્ન બાદ પતિની તરફથી શારીરિક સંબંધ બનાવવાથી ઈનકાર કરવું એક IPC કલમ 498A અંતર્ગત ગૂનો નથી પરંતુ  હિન્દૂ મેરેજ એક્ટ 1995 અંતર્ગત આ ક્રૂરતા છે.  આ સાથે જ હાઈકોર્ટે પતિ અને તેના માતા-પિતાની સામે પત્ની તરફથી 2020માં દાખલ કરવામાં આવેલી અરજી ફગાવી.

'પ્રેમ ક્યારેય પણ શારીરિક સંબંધ પર નથી થતો '
માહિતી અનુસાર પતિએ દહેજ અધિનિયમ 1961ની કલમ 4 અને IPCની કલમ 498Aની અંતર્ગત પોતાનાં અને પોતાના પરિવારની સામે પત્ની દ્વારા દાખલ કરવામાં આવેલી ચાર્જશીટને હાઈકોર્ટમાં પડકારી હતી. જસ્ટિસ એમ નાગપ્રસન્નાએ કહ્યું કે' અરજદારની સામે માત્ર એટલો આરોપ છે કે તે કોઈ આધ્યાત્મિક વિચારસરણીને માને છે અને તેનું માનવું છે કે પ્રેમ ક્યારેય પણ શારીરિક સંબંધ પર નથી થતો તે આત્મા સાથે આત્માનાં મિલનનો હોવો જોઈએ.'\

'પતિ  શારીરિક સંબંધ બનાવવાનો ઈરાદો નહોતો રાખતો'
જસ્ટિસ એમ નાગપ્રસન્નાએ કહ્યું કે' તે (પતિ) ક્યારેય પણ પોતાની પત્નીની સાથે શારીરિક સંબંધ બનાવવાનો ઈરાદો નહોતો રાખતો. જે નિશ્ચિત ધોરણે હિન્દૂ મેરેજ એક્ટની કલમ 12(1) અંતર્ગત ક્રૂરતામાં આવે છે પરંતુ તે IPCની કલમ 498A અંતર્ગત એ ક્રૂરતા નથી.' આ સાથે તેમણે કહ્યું કે 'આરોપ અને ચાર્જશીટમાં એવી કોઈપણ ઘટના કે તથ્ય નથી જે આ IPCની કલમ અંતર્ગત ક્રૂરતા સાબિત કરી શકે.'કર્ણાટક હાઈકોર્ટનાં જસ્ટિસે કહ્યું કે છૂટાછેડા માટે ફેમિલી કોર્ટે શારીરિક સંબંધ ન બનાવવાની બાબતને ક્રૂરતા માની. આ આધાર પર ગુનાહિત કાર્યવાહી ચાલુ રાખવાની પરવાનગી ઉત્પીડન કહેવાય અને તેનાથી કાયદાનો દુરુપયોગ પણ થશે.

શું છે મામલો?
આ કપલનાં લગ્ન ડિસેમ્બર 2019માં થયાં હતાં. પરંતુ લગ્નનાં 28 દિવસોમાં જ પત્નીએ પોતાનું સાસરું છોડી દીધઉં. પત્નીની તરફથી 5 ફેબ્રુઆરી 2020નાં IPCની કલમ 498A અને Dowry Prohibition Act અંતર્ગત પતિ અને પરિવારની સામે ફરિયાદ નોંધવામાં આવી હતી. આ સાથે જ તેણે હિંદૂ મેરેજ એક્ટ અંતર્ગત લગ્નને રદ કરવાની માંગ કરતો કેસ કર્યો હતો.