ગપશપ / કંગના રનૌતે કરણ જોહરને કહ્યો'ચાચા ચૌધરી', બોલી- 'અંગ્રેજી ન બોલી શકતી તો મને અપમાનિત કરતાં અને હવે..'

• કરણ જોહરની કવિતા પર કંગના રનૌતની પ્રતિક્રિયા
• કંગનાએ કરણ જોહરને કહ્યું ચાચા ચૌધરી
• નેપોટીઝમ માફિયા નેશનલ ટેલિવિઝન પર મારું અપમાન કરતાં 

બોલિવૂડના દિગ્ગજ ફિલ્મ નિર્માતા કરણ જોહરે તાજેતરમાં Instagram પર એક રહસ્યમય રીતે અલગ પોસ્ટ કરી હતી તો એ જોયા બાદ ચાહકો જાણતા હતા કે કંગના રનૌતની પ્રતિક્રિયા પણ ટૂંક સમયમાં આવવાની છે અને ચાહકોનું એ અનુમાન સાચું પડ્યું છે. જણાવી દઈએ કે કંગના રનૌતે કરણ જોહરની ઇન્સ્ટાસ્ટોરીના સ્ક્રીનશોટ સાથે સાથે તેના વિચારો પણ શેર કરી દીધા છે. 

થોડા દિવસ પહેલા કરણ જોહરે એક કવિતા લખી હતી કે તેના પર આરોપ લગાવનારા ગમે તેટલી બ્લેમ-ગેમ રમે પણ તેનું કર્મ તેની અંતિમ જીત છે.કરણે લખ્યું હતું કે.. 

કંગનાએ કરણ જોહરને કહ્યું ચાચા ચૌધરી
હવે કંગના રનૌતે આ સ્ક્રીનશૉટ પોતાની ઈન્સ્ટા સ્ટોરી પર શેર કર્યો છે અને તેનો જવાબ પણ લખ્યો છે. જણાવી દઈએ કે કંગના રનૌતે તેની ઇન્સ્ટા સ્ટોરી પર લખ્યું, "એક સમય હતો જ્યારે ચાચા ચૌધરી અને નેપોટીઝમ માફિયા નેશનલ ટેલિવિઝન પર મારું અપમાન અને બુલી કરતાં હતા કારણ કે હું અંગ્રેજી બોલી શકતી ન હતી. આજે  એમની હિંદી જોઇને મને વિચાર આવ્યો કે હાલ તો ફક્ત તમારી હિન્દી જ સુધરી છે, આગળ-આગળ જુઓ કે શું થાય છે!.. '

પ્રિયંકા ચોપરા વિશે પણ કંગનાએ આપી હતી પ્રતિક્રિયા
મહત્વનું છે કે જ્યાં એક તરફ જ્યાં કંગના રનૌત પોતાને આઉટસાઇડર ગણાવે છે, તો બીજી તરફ તે શરૂઆતથી જ દાવો કરતી રહી છે કે કરણ જોહર બોલિવૂડમાં નેપોટિઝમને પ્રોત્સાહન આપે છે.કંગના રનૌત અને કરણ જોહર વચ્ચે છેલ્લા ઘણા સમયથી શબ્દોનું યુદ્ધ ચાલી રહ્યું છે અને હાલમાં જ જ્યારે પ્રિયંકા ચોપરાએ બોલિવૂડ છોડવાનું કારણ જણાવ્યું તો કંગના રનૌતે પણ આ અંગે પોતાની પ્રતિક્રિયા આપી હતી.