BIG NEWS / US પ્રેસિડન્ટ જો બાયડનનું મોટું એલાન, ફરી લડશે 2024ની રાષ્ટ્રપતિની ચૂંટણી, જાણો કોની સામે ટકરાશે

• અમેરિકી રાષ્ટ્રપતિ ચૂંટણી 5 નવેમ્બર 2024નાં રોજ થશે
• જો બાઈડન બીજી વખત ઉતરશે ચૂંટણીનાં મેદાનમાં 
• VIDEO દ્વારા કરી પોતાની ઉમેદવારીની ઘોષણા

અમેરિકી રાષ્ટ્રપતિ જો બાઈડને સોમવારે કહ્યું કે તે જનતાને ચૂંટણી અંગે ટૂંક સમયમાં માહિતી આપશે. સૂત્રો અનુસાર વ્હાઈટ હાઉસમાં એક કાર્યક્રમ દરમિયાન બાઈડને સંવાદદાતાઓને કહ્યું હતું કે હું ટૂંક સમયમાં પોતાની ચૂંટણી લડવાની યોજના અંગે સૌને જણાવીશ.અમેરિકી મીડિયા અને રાજનૈતિક વિશેષજ્ઞ અનુમાન લગાવી રહ્યાં છે કે ડેમોક્રેટ ઓફિશિયલી આ અઠવાડિયે પોતાનાં ચૂંટણી માટેનાં કાર્યક્રમો શરૂ કરશે. જો બાઈડને પોતાના રાષ્ટ્રપતિ પદની દ્વિતીય વખત ઉમેદવારી અંગે વીડિયો દ્વારા ઘોષણા કરી છે. જુઓ વીડિયો. 

Every generation has a moment where they have had to stand up for democracy. To stand up for their fundamental freedoms. I believe this is ours.

That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly

— Joe Biden (@JoeBiden) April 25, 2023

'I know America' - જો બાઈડન
વીડિયોમાં તેમણે કહ્યું કે'I know America, મને ખબર છે કે આપણે સારા અને સભ્ય લોકો છીએ, મને ખબર છે કે આપણે હજુ પણ એ જ દેશ છીએ કે જે પ્રામાણિકતા અને આદરતામાં માને છે અને એકબીજાની સાથે સન્માનથી વર્તે છે. અમે માનીએ છીએ કે બધાં સમાન છે અને બધાને આ દેશમાં સફળ થવા માટે એકસમાન તકો મળવી જોઈએ.'

ટ્રંપ પણ ઊતરશે મેદાનમાં 
પૂર્વ અમેરિકી રાષ્ટ્રપતિ ડોનાલ્ડ ટ્રંપ કે જે 2020ની ચૂંટણીમાં જો બાઈડનથી હારી ગયાં હતાં, તેમણે ગતવર્ષે નવેમ્બરમાં 2024માં રાષ્ટ્રપતિ પદ માટે રિપબ્લિકન ઉમેદવારનાં રૂપમાં પોતાના નામની ઘોષણા કરી હતી. અમેરિતાની આગામી રાષ્ટ્રપતિની ચૂંટણી 5 નવેમ્બર 2024નાં થશે.

ચૂંટણી પ્રચારની તૈયારીઓ થશે શરૂ
મીડિયા રિપોર્ટ અનુસાર વ્હાઈટ હાઉસનાં એક વરિષ્ઠ અધિકારી અને લાંબા સમયથી ડેમોક્રેટિક પાર્ટીની કાર્યકર્તા જૂલી શાવેજ રોડ્રિગ્ઝ, બાઈડનનાં ચૂંટણી અભિયાન અંગેની તમામ વ્યવસ્થાઓ કરશે.