તમારા કામનું / કોઈ નોકરી ન હોય, અથવા હાઉસવાઈફ હોવ તો પણ ભરવું જોઈએ ITR: જાણૉ કેમ અને શું થશે ફાયદા

• આવકવેરા રિટર્ન ફાઇલ કરવાની છેલ્લી તારીખ 31 જુલાઈ 
• 2.5 લાખ રૂપિયાથી ઓછી છે તેમના માટે ITR ફરજિયાત નહિ 
• તમે બેરોજગાર છો અથવા ગૃહિણી છો તો તમે NIL ITR ફાઈલ કરી શકો છો

નાણાકીય વર્ષ 2022-23 માટે આવકવેરા રિટર્ન (ITR) ફાઇલ કરવાની છેલ્લી તારીખ 31 જુલાઈ છે. એવું કહેવાય છે કે, જેમની આવક 2.5 લાખ રૂપિયાથી ઓછી છે તેમના માટે ITR ફરજિયાત નથી. જોકે ફાઇનાન્સ નિષ્ણાતો સૂચવે છે કે, સ્વચ્છ ટેક્સ રેકોર્ડ જાળવવા માટે તમારે ITR ફાઇલ કરવી જોઈએ. જો તમે બેરોજગાર છો અથવા ગૃહિણી છો તો તમે NIL ITR ફાઈલ કરી શકો છો. જેમણે TDS ચૂકવ્યું છે તેઓએ રિફંડનો દાવો કરવા માટે શૂન્ય ITR ફાઇલ કરવાની રહેશે. આનું કારણ એ છે કે જ્યાં સુધી કોઈ વ્યક્તિ આવકવેરા રિટર્ન ફાઇલ ન કરે ત્યાં સુધી TDS પર રિફંડનો દાવો કરી શકતો નથી. જો કે, તેના અન્ય ઘણા ફાયદા પણ છે.

NIL ITR શું છે ?
ચાલો પહેલા જાણીએ કે શૂન્ય ITR શું છે. જ્યારે તમારા પર કોઈ કર જવાબદારી નથી પરંતુ તમે હજુ પણ ટેક્સ રિટર્ન ફાઇલ કરો છો, તો આ રિટર્નને Nil ITR કહેવાય છે. તેના ઘણા ફાયદા છે. ઉદાહરણ તરીકે ધારો કે કોઈ વ્યક્તિની આવક કોઈપણ કપાત વિના કરવેરા હેઠળ આવે છે, પરંતુ છૂટ અને કપાત લાગુ કરીને આવક કરપાત્ર આવકમાંથી બહાર આવે છે. જો આવી વ્યક્તિએ જાણી જોઈને અથવા અજાણતાં વધુ ટેક્સ ચૂકવ્યો હોય તો તેણે રિફંડ મેળવવા માટે ITR ફાઈલ કરવી જરૂરી છે.

બીજા શું ફાયદા છે ?
જો તમે કંઈ કમાતા નથી તો પણ ITR ફાઈલ કરવું તમારા માટે ફાયદાકારક સાબિત થઈ શકે છે. જે લોકો લોન માટે અરજી કરવાનું વિચારી રહ્યા છે તેમના માટે પણ તે ફાયદાકારક છે. ઘણી વખત બેંકો અથવા અન્ય ધિરાણ સંસ્થાઓ ITRની માંગ કરે છે. વિઝા અથવા પાસપોર્ટ માટે અરજી કરતી વખતે ITR આવકના પુરાવા તરીકે પણ કામ કરે છે.

શૂન્ય ITR કેવી રીતે ફાઇલ કરવું ?
શૂન્ય રિટર્ન ફાઇલ કરવું એ નિયમિત આવકવેરા રિટર્ન ફાઇલ કરવા જેવું જ છે. કરદાતાઓએ સત્તાવાર વેબસાઇટની મુલાકાત લઈને આવક અને કપાતની વિગતો દાખલ કરવી જરૂરી છે. આવકવેરાની ગણતરી કરવામાં આવશે અને બાકી નથી તરીકે દર્શાવવામાં આવશે. ધ્યાનમાં રાખો કે ITR ની ચકાસણી કરવી પણ જરૂરી છે.