Mission Chandrayaan 4 : ઈસરોએ ગયા વર્ષે ચંદ્રયાન-3નું સફળતાપૂર્વક ઉતરાણ કરીને ઈતિહાસ રચ્યો હતો. ભારત માટે આ કોઈ રેકોર્ડથી ઓછું ન હતું. આ પછી ઇસરો હવે ચંદ્રયાન-4ની તૈયારી કરી રહ્યું છે. આ પહેલીવાર હશે જ્યારે એક જ મિશનને પૂર્ણ કરવા માટે એક નહીં પરંતુ બે રોકેટ લોન્ચ કરવામાં આવશે. આ વખતે ચંદ્રની સપાટી પર ઉતર્યા બાદ મોકલવામાં આવેલ ચંદ્રયાન પણ ત્યાંથી કેટલાક સેમ્પલ લઈને પરત આવશે. જો કે, ચંદ્રયાન-4ને લોન્ચ કરવામાં હજુ સમય છે. તેને વર્ષ 2028 પહેલા લોન્ચ કરવામાં આવનાર છે.
એક મિશન અને રોકેટ બે
ઈસરોએ માહિતી આપી હતી કે, પ્રથમ વખત એક જ મિશનને પૂર્ણ કરવા માટે બે રોકેટ લોન્ચ કરવામાં આવશે. આ વખતે ચંદ્રયાન-4 પોતાની સાથે ચંદ્રના ખડકો અને માટી (રેગોલિથ) સાથે પરત ફરશે. બે અલગ-અલગ રોકેટ હેવી લિફ્ટર LVM-3 અને ISROનું વર્કહોર્સ PSLV એક જ ચંદ્ર મિશન માટે અલગ-અલગ પેલોડ વહન કરશે અને અલગ-અલગ દિવસોમાં લોન્ચ કરવામાં આવશે. જો મિશન સફળ થશે તો ચંદ્રની સપાટી પરથી નમૂનાઓ પરત કરવાની ક્ષમતા ધરાવતું ભારત ચોથું રાષ્ટ્ર બનશે.
વધુ વાંચો: માલદીવને મોટો ઝટકો: ઘટ્યાં ભારતીય પ્રવાસીઓ, જાણો સંખ્યા ક્યાંથી ક્યાં જઇને અટકી?
ચંદ્રયાન-4 વિશે શું કહ્યું ઇસરો ચીફે ?
ઈસરોના અધ્યક્ષ એસ.સોમનાથે તાજેતરમાં નેશનલ સ્પેસ સાયન્સ સેમિનારમાં જણાવ્યું હતું કે, ચંદ્રયાન-4 મિશનનો ધ્યેય ચંદ્રની સપાટી પરથી માટીના નમૂનાઓ એકત્રિત કરીને તેમને પૃથ્વી પર પાછા લાવવાનો છે જેથી વૈજ્ઞાનિકો તેનો અભ્યાસ કરી શકે. અગાઉના ચંદ્રયાન મિશનમાં 2-3 અવકાશયાન હતા, જ્યારે ચંદ્રયાન-4માં પાંચ હશે. આ ભાગો છે - પ્રોપલ્શન મોડ્યુલ (મોશન કંટ્રોલ), ડીસેન્ડર મોડ્યુલ (મૂન લેન્ડર), પ્રેષક મોડ્યુલ (ચંદ્ર પર પાછા ફરવા માટે), ટ્રાન્સફર મોડ્યુલ (એક ભ્રમણકક્ષામાંથી બીજી ભ્રમણકક્ષામાં જવા માટે) અને રી-એન્ટ્રી મોડ્યુલ (પૃથ્વી પર પાછા ફરવા માટે).
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
