- મનોરંજન જગતમાં અનેક જોડીના અલગ થવાના સમાચાર સામે આવ્યા
- લગ્નના 9 વર્ષ અલગ થશે આ જોડી
- કુશા કપિલાએ પણ ડાયવોર્સની જાહેરાત કરી હતી
મનોરંજન જગતમાં છેલ્લા ઘણા સમયથી અનેક જોડીઓ ડાયવોર્સના સમાચાર સામે આવી રહ્યા છે. તાજેતરમાં સોશિયલ મીડિયા ઈન્ફ્લુઅન્સર કુશા કપિલાએ પતિ જોરાવર સાથે ડાયવોર્સની જાહેરાત કરી હતી. હવે અન્ય એક જોડી અલગ થવા જઈ રહી છે. ‘ઈશ્કબાઝ’ ફેમ એક્ટર મલ્હાર પંડ્યા લગ્નના 9 વર્ષ પછી તેમની પત્ની પ્રિયા પાટીદારથી અલગ થઈ રહ્યા છે.
લગ્નના 9 વર્ષ પછી અલગ થઈ રહ્યા છે
મીડિયા રિપોર્ટ અનુસાર મલ્હાર પંડ્યા અને પ્રિયા પાટીદારે ડિસેમ્બર 2014માં લગ્ન કર્યા હતા. લગ્નના 9 વર્ષ પછી આ જોડી વર્ષ 2023ના અંતમાં ડાયવોર્સ માટે અરજી આપશે. રિપોર્ટ અનુસાર બંને એક વર્ષ પહેલા અલગ થઈ ગયા હતા. રિપોર્ટ અનુસાર ‘લોકડાઉન દરમિયાન બંને વચ્ચે ઝઘડા થઈ રહ્યા હતા. એક વર્ષથી અલગ રહે છે, એકબીજાના કોન્ટેક્ટમાં નથી અને એકબીજા સાથે વાત પણ નથી કરી રહ્યા. આ કપલ આ વર્ષના અંત સુધીમાં ડાયવોર્સ માટે અરજી આપશે.’
મલ્હારનું નિવેદન
મલ્હાર છેલ્લે વર્ષ 2020માં રાધાકૃષ્ણમાં જોવા મળ્યા હતા. અભિનેતા તેમના પરિવાર સાથે US જતા રહ્યા છે. રિપોર્ટ અનુસાર જાણવા મળ્યું છે કે, ‘ભારતમાં જે કંઈપણ થયું, મલ્હાર તેમાંથી બ્રેક લેવા માંગે છે. બંને પરિવાર એકબીજા સાથે જોડાયેલ છે અને તેમને આ નિર્ણય વિશે ખબર છે.’
પ્રિયાએ ડાયવોર્સની વાત કન્ફર્મ કરી
મલ્હારે આ બાબતે કોઈ જાણકારી આપી નથી. પ્રિયાએ વિક્રમ મોન્ટ્રોઝની સિંગલ ‘તસવીર’માં ગીત ગાયું હતું. પ્રિયાએ કન્ફર્મ કર્યું છે કે, ‘હાં આ વાત સાચી છે હવે અમે સાથે રહેતા નથી, પરંતુ હું કોઈપણ જાણકારી આપવા માંગતી નથી.’
